KXDR məktəblərində rus dili məcburi hala gəldi
Koreya Xalq Demokrtatik Respublikasının məktəblərində rus dili dördüncü sinifdən başlayaraq məcburi qaydada tədris ediləcək.
MİNA tv.az xarici mediaya istinadla xəbər verir ki, bu barədə Rusiyanın Təbii Sərvətlər və Ətraf Mühit Nazirliyinin rəhbəri və Rusiya ilə KXDR arasında ticarət, iqtisadi, elmi və texniki əməkdaşlıq üzrə hökumətlərarası komissiyanın həmsədri Aleksandr Kozlov məlumat verib.
"Bilirəm ki, KXDR məktəblərində dördüncü sinifdən başlayaraq rus dili məcburi hala gətirilib. Hazırda Rusiyada üç mindən çox məktəbli Koreya dilini öyrənir. Onların əksəriyyəti Koreya dilini ikinci və ya üçüncü xarici dil kimi öyrənir", - deyə o, hökumətlərarası komissiyanın iclasında salamlama nitqi zamanı bildirib.
Qeyd edək ki, Rusiya hökuməti son illərdə rus dilinin keçmiş SSRİ və dağılmış sosialist düşərgəsi ölkələrində geniş şəkildə tədris edilməsinə, rus dilində məktəblərin açılmasına, hətta rus dilinə xüsusi status verilməsinə ifrat həssaslıqla yanaşır.
