Ədəbi aləmdə və sosial şəbəkələrdə aktiv iştirak edən şair və yazarlara bildiririk ki, şəkildə gördüyünüz Gültəkin Dönməz təxəllüslü qadın saxta şairədir. Belə ki, 2023-cü ilin birinci yarısında o, Müstəqil İctimai Nəzarət Agentliyinin MİNA tv.az saytı redaksiyasına gəlmiş və özünü şairə kimi təqdim edərək ilk kitabının çap olunmasında ona kömək göstərməyimizi xahiş etmişdi. Onun fləşdə təqdim etdiyi şeirlərə baxanda isə, bütövlükdə məntiqsiz, mənasız və qafiyəsiz cızma-qaralarla qarşılaşdıq. Bunu və durğu işarələrinin düzgün qoyulmamasını ona bildirəndə isə, “şairə” Gültəkin yazdığı “şeirlər”in normal hala salınmasını və durğu işarələrinin korrektə edilməsini xahiş etdi. Üstəlik yağlı dilini işə salan “şairə” onu da bildirdi ki, yeni yazılmış şeirlərə görə zəhmət haqqı ödəməyə də hazırdır. Beləliklə redaksiyamızla əməkdaşlıq edən şairlərlə əlaqə saxlanıldı. Danışıqlar əsnasında şairlər yazacaqları şeirlərin hər bəndinə görə 6-10 manat arası zəhmət haqqı tələb etdilər. Bu, Gültəkini qane etmədiyinə görə, o vaxt ustad deyə müraciət etdiyi Agentliyimizin rəhbəri Yaqub Məğrura bildirdi ki, “istəyirəm mənim də şeirlərim sizin şeirləriniz kimi olsun. Odur ki, ilk kitabımın şeirlərini siz yazmalısız!” Onun təkidli xahişlərindən sonra, yazılacaq hər bəndə görə beş manat haqq ödənilməsi barədə razılıq əldə olundu. Beləliklə 2023-cü ilin yay aylarında yeddi yüz doxsan altı bənd yeni şeir yazıldı və “İmza Nəşrlər Evi”nin mətbəəsində Gültəkin Dönməzin “Duyğularımın Səsi” adlı ilk kitabı çapdan çıxdı. Ümumilikdə isə Gültəkin Dönməz şeirin düsturunu və kök qafiyəsi ilə yazılışını öyrəndi.
Təəssüf ki, Gültəkin Dönməz ilk kitabının çapdan çıxmasından bir il ötməsinə baxmayaraq, hələ də redaksiyamıza olan borcunu tam ödəməyib. Belə ki, razılaşmaya görə “şairə” 3980 (796 X 5) manat məbləğin əvəzinə indiyədək hissə-hissə cəmisi 1000 manata yaxın pul ödəyib. Qalan borcun ödənişindən isə imtina edir...
P.S. Bildirişi paylaşdıq ki, başqa şair və yazarlar da bizim kimi aldanmasınlar.

MİNA tv.az saytının redaktorluğu