Müstəqil İctimai Nəzarət Agentliyinin MİNA tv.az saytının rəhbərliyi bildirir ki, şəkildə görünən Bakı şəhəri, Xətai rayonu, E.Əliyev küçəsi – 4 ünvanında qeydiyyatda olan, faktiki olaraq Sabunçu qəsəbəsi ərazisində salınmış yeni tikililərdə yaşayan Qəribov Namiq Ağaxan oğlu 19.02.2025-ci il tarixdə üç aylıq sınaq müddətində tərəfimizdən işə qəbul edilmişdi. Həmin müddətdə ona göstərilmiş etimadı doğrultmamış, etibarımızdan sui-istifadə hallarına yol vermişdir. İş prosesində yol verdiyi qüsurlara görə N.Qəribova dəfələrlə xəbərdarlıq edilməsinə baxmayaraq, neqativ əməllərini davam etdirmiş və hətta bizə məlum olmayan şəraitdə itkin düşmüşdür. Təqribən dörd aydan sonra isə özü üzə çıxmış, təkidli tələblərimizdən sonra redaksiyamıza gəlmiş və ölkə hüdudlarından kənarda - guya Türkiyədə və Rusiyada fəaliyyət göstərməsi barədə məlumat vermişdir. Biz isə ona redaksiyamızdan xəbərsiz xarici ölkələrə səfər etməsinə görə, artıq işdən azad edilməsi barədə məlumat vermiş və tərəfimizdən verilmiş xidməti vəsiqəni və yaxa kartını təhvil verməsini tələb etmişik. N.Qəribov çətinliklə olsa da yaxa kartını və xidməti vəsiqənin üz qabığını geri qaytarsa da, onun şəklinin, kimliyinin və vəzifəsinin əks olunduğu və MİNA tv.az-ın möhürü və baş redaktorun imzası ilə təsdiqlənmiş hissəsini bu günədək redaksiyamıza təhvil verməmişdir.
Odur ki, MİNA tv.az saytının rəhbərliyi idarə, müəssisə, təşkilat rəhbərlərinə, eləcə də ictimaiyyətə xəbərdarlıq edir ki, Qəribov Namiq Ağaxan oğlu MİNA tv.az saytının xüsusi müxbiri vəzifəsindən xaric edildiyinə görə, onun vəsiqəsi etibarsız sayılır.

MİNA tv.az saytının redaktorluğu