UYUYUR HARDA
Ruslar sıxışdırıb türkləri küncə,
Alıb Zəngəzuru bir əsr öncə.
Verib erməniyə birləşdirincə,
Dağlar əsarətdə inləyir orda,
Görəsən nəzarət uyuyur harda?
Türklər deyirlər ki, yurdu alarıq,
Bütün Zəngəzura sahib olarıq.
Yeni qəsəbələr, kəndlər salarıq,
Bəs niyə çıxmırıq sahib o yurda,
Görəsən cəsarət uyuyur harda?
Satqınlar şərləyir as ərənləri,
Qəlbindən intiqam püskürənləri.
Əzirlər doğru yol göstərənləri,
Açıq oğurlanır sərvət də, var da,
Görəsən ədalət uyuyur harda?
Ölkədə hər yanı alıb talanlar,
Haqqı, ədaləti kəsir yalanlar.
Danır öz zatını fitnə salanlar,
İnam da sızlayır hey ahu-zarda,
Görəsən həqiqət uyuyur harda?
Millət boyun bükür ağa yanında,
Cəsarət qalmayıb xalqın qanında.
Yaltaqlar məhv edir ər ad-sanın da,
Tülkülər oxuyur meydan boz qurda,
Görəsən şücaət uyuyur harda?
Qoruya bilməyir qardaş qardaşı,
Dosta arxa durmur dostu, sirdaşı.
Zərbəni arxadan vurur yurddaşı,
Onunçün inləyir kaman da, tar da,
Görəsən sədaqət uyuyur harda?
Məmurlar milləti çevirib qula,
Allahı unudub gəlmirlər yola.
Kasıblar sığınıb yüz manat pula,
Ümidi, gümanı kəsir bazar da,
Görəsən səxavət uyuyur harda?
Xalq çarəsiz qalıb dinsiz əlində,
Qiymətlər yüksəlir qartal belində.
Sözlər düyünlənib insan dilində,
Vicdan tərəzisi pozulub burda,
Görəsən hidayət uyuyur harda?
Hanı haqq-ədalət, hanı mərhəmət,
Hanı vəd verənlər, hanı zəmanət?
Hanı ülvi sevgi, hanı hərarət?
Qızlar oğlanları aldadır barda,
Görəsən məhəbbət uyuyur harda?
Qocalar cavanla gedir bazlığa,
Cəmiyyət rəy vermir bu tarazlığa.
“Kişi”lər çevrilir cinsi azlığa,
Onunçün yarına baş əymir yar da,
Görəsən xəcalət uyuyur harda?
Ağsaqqal, ağbirçək saymayır qızlar,
Nifrətə layiqdir bu həyasızlar.
Rəqs edən lütlərə züy tutur sazlar,
Gedib əlimizdən həya da, ar da,
Görəsən mərifət uyuyur harda?
Oğlanda görəndə işvəni, nazı,
Dəhşətlə odlanıb yanıram azı.
Bilinmir oğlanı, tanınmır qızı,
Namus da ilişib inləyir torda,
Görəsən ar-qeyrət uyuyur harda?
Ayırmaq olmayır qızılı misdən,
Haqlını haqsızdan, yaxşını pisdən.
Məğrur da soruşur indi hər kəsdən,
Hissimiz donubmu şaxtada, qarda,
Görəsən qətiyyət uyuyur harda?
Yaqub Məğrur
04.12.2025-ci il
Alıb Zəngəzuru bir əsr öncə.
Verib erməniyə birləşdirincə,
Dağlar əsarətdə inləyir orda,
Görəsən nəzarət uyuyur harda?
Türklər deyirlər ki, yurdu alarıq,
Bütün Zəngəzura sahib olarıq.
Yeni qəsəbələr, kəndlər salarıq,
Bəs niyə çıxmırıq sahib o yurda,
Görəsən cəsarət uyuyur harda?
Satqınlar şərləyir as ərənləri,
Qəlbindən intiqam püskürənləri.
Əzirlər doğru yol göstərənləri,
Açıq oğurlanır sərvət də, var da,
Görəsən ədalət uyuyur harda?
Ölkədə hər yanı alıb talanlar,
Haqqı, ədaləti kəsir yalanlar.
Danır öz zatını fitnə salanlar,
İnam da sızlayır hey ahu-zarda,
Görəsən həqiqət uyuyur harda?
Millət boyun bükür ağa yanında,
Cəsarət qalmayıb xalqın qanında.
Yaltaqlar məhv edir ər ad-sanın da,
Tülkülər oxuyur meydan boz qurda,
Görəsən şücaət uyuyur harda?
Qoruya bilməyir qardaş qardaşı,
Dosta arxa durmur dostu, sirdaşı.
Zərbəni arxadan vurur yurddaşı,
Onunçün inləyir kaman da, tar da,
Görəsən sədaqət uyuyur harda?
Məmurlar milləti çevirib qula,
Allahı unudub gəlmirlər yola.
Kasıblar sığınıb yüz manat pula,
Ümidi, gümanı kəsir bazar da,
Görəsən səxavət uyuyur harda?
Xalq çarəsiz qalıb dinsiz əlində,
Qiymətlər yüksəlir qartal belində.
Sözlər düyünlənib insan dilində,
Vicdan tərəzisi pozulub burda,
Görəsən hidayət uyuyur harda?
Hanı haqq-ədalət, hanı mərhəmət,
Hanı vəd verənlər, hanı zəmanət?
Hanı ülvi sevgi, hanı hərarət?
Qızlar oğlanları aldadır barda,
Görəsən məhəbbət uyuyur harda?
Qocalar cavanla gedir bazlığa,
Cəmiyyət rəy vermir bu tarazlığa.
“Kişi”lər çevrilir cinsi azlığa,
Onunçün yarına baş əymir yar da,
Görəsən xəcalət uyuyur harda?
Ağsaqqal, ağbirçək saymayır qızlar,
Nifrətə layiqdir bu həyasızlar.
Rəqs edən lütlərə züy tutur sazlar,
Gedib əlimizdən həya da, ar da,
Görəsən mərifət uyuyur harda?
Oğlanda görəndə işvəni, nazı,
Dəhşətlə odlanıb yanıram azı.
Bilinmir oğlanı, tanınmır qızı,
Namus da ilişib inləyir torda,
Görəsən ar-qeyrət uyuyur harda?
Ayırmaq olmayır qızılı misdən,
Haqlını haqsızdan, yaxşını pisdən.
Məğrur da soruşur indi hər kəsdən,
Hissimiz donubmu şaxtada, qarda,
Görəsən qətiyyət uyuyur harda?
Yaqub Məğrur
04.12.2025-ci il
