Araqçi Moskvaya GETDİ
İranın xarici işlər naziri Abbas Araqçi Rusiyaya səfər edib. O, Moskvada rusiyalı həmkarı Sergey Lavrovla danışıqlar aparacaq, həmçinin digər rəsmi şəxslərlə görüşlər keçirəcək.
MİNA tv.az xəbər verir ki, bu barədə İranın Rusiyadakı səfiri Kazem Cəlali məlumat verib. Açıqlama İran səfirliyinin “Telegram” kanalında dərc olunub.
Səfirin sözlərinə görə, ötən həftə Aşqabadda iki ölkə prezidentləri arasında keçirilən məsləhətləşmələrdən sonra Araqçi bu gün Rusiyanın xarici işlər naziri və digər rəsmi şəxslərlə görüşmək üçün Moskvaya yola düşüb.
Kazem Cəlali bildirib ki, hazırda gündəlikdə geniş siyasi məsələlər və iqtisadi layihələr yer alır.
Eyni zamanda, ortaq məqsəd və yanaşmaların irəli aparılması üçün regional və beynəlxalq əməkdaşlıq müzakirə olunur ki, bu da İran–Rusiya münasibətlərini yeni mərhələyə çıxarmağa xidmət edir.
