NƏ DEYƏSƏN BELƏSİNƏ?
Bu iki şəkli sosial şəbəkələrdə görəndə, qardaş Türkiyədə yaşayan Azərbaycanlı milyarder Mübariz Mənsimovun yaxın keçmişdə həbs edildiyi qara günlərini xatırladım.
O vaxt jurnalist Əvəz Zeynallı rəhbərlik etdiyi "Xural tv"-də cəsarətli çıxışlarilə M.Mənsimovun müdafiəsinə qalxmışdı. Üstəlik, şəxsi vəsaiti hesabına Türkiyəyə səfər edib, həbsdən azadlığa çıxan M.Mənsimiovdan aldığı geniş müsahibəni "Xural tv"-də nümayiş etdirməklə dəstək olmuşdu...
İndi isə eyni aqibəti yaşayan Ə.Zeynallının hərtərəfli dəstəyə ehtiyacı var. Üstəlik həbsxanada mübtəla olduğu ağır xəstəlikdən qurtulmaq üçün sağ qalmaq uğrunda can mücadiləsi aparır. Yazar dostlarının, eləcə də yoxsulluq burulğanında çabalayan ictimaiyyətin göstərdiyi maddi dəstək kifayət etmədiyinə görə, çıxılmaz vəziyyətə düşən Ə. Zeynallının şəxsi kitablarını satışa çıxarmağını görəndə, bir yazar kimi çox acıdım. İmkanından asılı olmayaraq, sadə vətəndaşların maddi-mənəvi dəstək verdiyi halda, milyarder M. Mənsimovun maddi-mənəvi yardım göstərmədiyinə söz tapa bilmirəm...
Nə deyim, vallah? Qoy uca Allah dəyərli Vətən Övladı Əvəz Zeynallının yar və yardımçısı olsun!
