HƏMRƏYLİK GÜNÜNÜZ MÜBARƏK OLSUN!
Qarşıdan gələn Dünya Azərbaycanlılarının Həmrəylik Günü və Yeni İl münasibətilə 29.12.2025-ci il tarixdə MİNA tv.az saytı redaksiyasında yığcam tədbir keçirildi. Giriş sözü ilə çıxış edən AYB və AJB-nin üzvü, Azad Şair və Yazarlar Ocağının sədri Yaqub Məğrur yenicə yazdığı “Həmrəylik Gününüz Mübarək Olsun” şeiri əsasında gözəl tərtibçi Səma Maştağalının hər bəndə müvafiq görüntülərlə ərsəyə gətirdiyi klipin təqdimatilə təbrik etdi. Ardınca söz alan AŞYO-nın üzvləri - “Qızıl Qələm” mükafatı laureatları, 6 kitab müəllifi, şairə Xuraman Zakirqızı, tədqiqatçı-alim, 98 kitab müəllifi Nazim Tapdıqoğlu, dəyərli söz xiridarı Qəribxan Dağlaroğlu, “Qaçqınkom”-un nümayəndəsi Vidadi Turablı, “Ekspress” qəzetinin baş redaktoru, tanınmış jurnalist, publisist Rizvan Əhmədli və MİNA tv.az-ın operativ əməkdaşı Elnur Sultanov da qarşıdan gələn bayramlar münasibətilə bütün dünya Azərbaycanlılarını təbrik etdilər.
Tədbirdən çəkilmiş foto və video-görüntüləri izləyicilərimizə təqdim etməklə, bir daha qarşıdan gələn bu qoşa qanadlı bayramlar münasibətilə cahanın hər tərəfinə səpələnmiş 60 milyonluq dünya Azərbaycanlılarını ürəkdən təbrik edir, həmişə həmrəy olmalarını və bir neçə gündən sonra yel qanadlı at qiyafəsində həyat məkanımıza qədəm qoyan 2026-cı ildə bütün diləklərinə yetmələrini arzulayırıq.
Yaqub Məğrur
Rəqəmsal məzmun tərtibatçısı
Müəllif
Yaqub Məğrur
Hər birinizə təşəkkür edirəm dəyərli dostlar, Allah yar və yardımçınız olsun!
