Bakı şəhərində və respublika ərazisində fəaliyyət göstərən idarə, müəssisə, təşkilat rəhbərlərinin, eləcə də sadə vətəndaşların nəzərinə çatdırırıq ki, şəkildə gördüyünüz Ağdaş rayon sakini, hazırda Qobu qəsəbəsində yaşayan Ramin Fərhad oğlu Hümbətli cari ilin yanvar ayının son günlərində Müstəqil İctimai Nəzarət Agentliyinin MİNA Tv.az saytının redaksiyasına gələrək, İctimai Nəzarətə üzv olmaq istədiyini bildirdi. Fiziki cəhətdən çox zəif görünən bu insan ağır cərrahi əməliyyatdan çıxıb sağaldığını və artıq işləmək istədiyini bildirərək, təkidli yalvarışlarla problemlərinin həll olunmasında ona kömək etməyimizi və vəsiqə ilə təmin edilməsini dilədi. Pis vəziyyətdə olan bu insanın yalvarışlarına inandığımıza və yazığımız gəldiyinə görə 03.02.2026-cı il tarixdə onu üzvlüyə qəbul edərək, üç aylıq sınaq müddətində ictimai əsaslarla xüsusi müxbir vəsiqəsi ilə təmin etdik. Ancaq onu dinləyərkən göstərdiyi faktlar şübhə doğurduğuna görə ərizə ilə müraciət etməli olduğunu bildirdik. Belə ki, Ramin vaxtilə iş birliyində olduğu həmyerliləri və digər şəxslər tərəfindən dələduzluqda ittiham olunaraq şərlənib məhkum olunması və külli miqdarda maddi vəsaitinin həmin şəxslər tərəfindən mənimsənilməsi barədə ağızdolusu danışsa da, bu barədə şikayət ərizəsini bir müddət sonra redaksiyamıza təqdim edəcəyini bildirdi.

Nəhayət 26.03.2026-cı il tarixdə redaksiyaya gələn Ramin, vaxtilə işbirliyində olduğu, sonra isə onu dələduzluqda günahlandırıb şərləyən və məhkum etdirən Bərdə, Ağdam və Ağcabədi rayonlarında yaşayan şəxslərlə, eləcə də Ağdaşlı həmyerliləri ilə son dəfə görüşüb onlarla bağlı yeni faktalar toplamaq və saytımız üçün obyektiv materiallar hazırlamaq məqsədilə həmin rayonlara ezam edilməsini xahiş etdi. Novruz Bayramı ilə əlaqədar istirahət günlərinin bitmədiyini bildirsək də, yeni yalvarışlarını nəzərə alaraq və onu bir daha sınaqdan keçirmək istəyi ilə arzusunu yerinə yetirdik. Ancaq həmin gündən etibarən R.Hümbətli bir daha redaksiyaya ayaq basmadı. Odur ki, ona etibar edilmiş və etibarlılıq müddəti 03.05.2026-cı il tarixdə bitmiş xidməti vəsiqəni və sözügedən “Ezamiyyət Vərəqəsi”ni redaksiyaya təhvil verməli olduğunu dəfələrlə mobil telefon vasitəsilə bildirsək də, qanuni tələblərimizi qulaq ardına vurur və hətta ədəbsiz ifadələrlə redaksiyamıza hədə-qorxu gəlir.

P,S. “Bildiriş”i paylaşdıq ki, Ramin Fərhad oğlu Hümbətli ad-soyadlı nankorun zavallı görkəminə və yalvarışlarına daha heç kim inanmasın!

Müstəqil İctimai Nəzarət Agentliyinin MİNA tv.az saytının Redaktorluğu