ƏRİZƏYLƏ TƏLTİF OLAR?
Sualım var, Az."Mətbuat Şurası" rəhbərliyinə,
Sualım var, “Medianın İnkişaf Agentliyi”nə.
Öncə deyin görək nədən əyri yolla gedirsiniz,
Yazarları xəlvət seçib fərqləndirmə edirsiniz?
Deyirsiniz, yuxarıdan tapşırığa giribsiniz,
Kim ərizə yazıbdırsa, ona medal veribsiniz.
Soruşuram seçənlərdən, bu qədər də təhrif olar,
Qanun-qayda gözləmədən, ərizəylə təltif olar?
Medianın inkişafı, saxtalıqla uyarmı heç?
Mətbuatın yalan lafı, vətəndaşı duyarmı heç?
Məddah qrup yaradırsız, əməlləri əl içində.
Ona görə jurnalistə, sayğı yoxdur el içində.
Həsən Bəy “Əkinçi”ylə, deyib kəskin sözlərini.
Tənqid yazan bir inciylə, açıb xalqın gözlərini.
Sizsə yalan danışırsız, mərdlər olan cəmiyyətdə.
Hətta xəyanət edirsiz, Həzən bəy Zərdabiyə də.
“Qızıl” metal paylayırsız, mətbuatın ad günündə.
Ahıl nəsli unudursuz, medianın şad günündə.
Medalçılar arasında, haqsızların sayları çox.
Mükafatçı sırasında, haqlıların payları yox.
Məğrur şair otuz ildir, qələm çalır mətbuatda.
Deyin görək səbəb nədir, saxlayırsız ehtiyatda?
Yaqub Məğrur
06.01.2026-cı il
Sualım var, “Medianın İnkişaf Agentliyi”nə.
Öncə deyin görək nədən əyri yolla gedirsiniz,
Yazarları xəlvət seçib fərqləndirmə edirsiniz?
Deyirsiniz, yuxarıdan tapşırığa giribsiniz,
Kim ərizə yazıbdırsa, ona medal veribsiniz.
Soruşuram seçənlərdən, bu qədər də təhrif olar,
Qanun-qayda gözləmədən, ərizəylə təltif olar?
Medianın inkişafı, saxtalıqla uyarmı heç?
Mətbuatın yalan lafı, vətəndaşı duyarmı heç?
Məddah qrup yaradırsız, əməlləri əl içində.
Ona görə jurnalistə, sayğı yoxdur el içində.
Həsən Bəy “Əkinçi”ylə, deyib kəskin sözlərini.
Tənqid yazan bir inciylə, açıb xalqın gözlərini.
Sizsə yalan danışırsız, mərdlər olan cəmiyyətdə.
Hətta xəyanət edirsiz, Həzən bəy Zərdabiyə də.
“Qızıl” metal paylayırsız, mətbuatın ad günündə.
Ahıl nəsli unudursuz, medianın şad günündə.
Medalçılar arasında, haqsızların sayları çox.
Mükafatçı sırasında, haqlıların payları yox.
Məğrur şair otuz ildir, qələm çalır mətbuatda.
Deyin görək səbəb nədir, saxlayırsız ehtiyatda?
Yaqub Məğrur
06.01.2026-cı il
