Vaxt var idi haqqı doğru yozurdun,
Haqsızların niyyətlərin pozurdun.
Göstərişlə qəfil məhvə yozuldun?
Allah rəhmət etsin, sənə nəşriyyat!
Dayaq idin bu zavallı millətə,
Son qoyurdun zalımlığa, zillətə.
Ağa səni məhkum etdi illətə,
Allah rəhmət etsin, sənə nəşriyyat!
Baş məbədi idin tam mətbuatın,
İlham Pərisiydin şeiriyyatın,
Əlindən alındın ədəbiyyatın,
Allah rəhmət etsin, sənə nəşriyyat!
Toxlar qurub BMM-də taxtların,
Düşünmürlər yazarların baxtların.
Sona çatıb çal-çağırlı vaxtların,
Allah rəhmət etsin, sənə nəşriyyat!
Əmr imzalayıb ağeyi-darğa,
Qiyməti qaldırıb kəlleyi-çarxa.
Hamı oturdulub bu yeni nırxa,
Allah rəhmət etsin, sənə nəşriyyat!
Natarazlar cızdı yeni layihə,
Yaqub Məğrur qoşdu ona bədihə.
Kədərlə oxudu sənə fatihə,
Allah rəhmət etsin, sənə nəşriyyat!
Yaqub Məğrur
18.02.2026-cı il