Bu gün Azərbaycanda Ana Dili və Əlifbası Günüdür. Bu münasibətlə quzeyli-güneyli bütün soydaşlarımızı təbrik edirəm
YAŞA, DİLİM
Ana dilim, sən bir qala,
Yön verirsən ehtimala.
Tarixə iz sala-sala,
Köçdün ağla-huşa, dilim!
Əbədiyyən yaşa, dilim
Yağı bir vaxt əydi səni,
İstehzayla söydü səni.
Azadlığın öydü səni,
Keçirdi lap başa, dilim!
Əbədiyyən yaşa, dilim!
Doğma dilin şirinliyi,
Zənginlədir dərinliyi.
Düşünəndə ərənliyi,
Hey gəlirəm cuşa, dilim!
Əbədiyyən yaşa, dilim!
İlahinin ceylasısan,
Anaların laylasısan.
Çoxlarının xülyasısan,
Türk ləhcəli qoşa dilim,
Əbədiyyən yaşa, dilim!
Məlhəmisən illətimin,
Həmqəmisən zillətimin.
Kimliyisən millətimin,
Dillər içrə paşa dilim,
Əbədiyyən yaşa, dilim!
Yaqub qalarsa ah-zarda,
Bil ki, səni qoymaz darda.
Hətta ən çətin qubarda,
Dəyməyəsən daşa, dilim!
Əbədiyyən yaşa, dilim!
Yaqub Məğrur
Ana dilim, sən bir qala,
Yön verirsən ehtimala.
Tarixə iz sala-sala,
Köçdün ağla-huşa, dilim!
Əbədiyyən yaşa, dilim
Yağı bir vaxt əydi səni,
İstehzayla söydü səni.
Azadlığın öydü səni,
Keçirdi lap başa, dilim!
Əbədiyyən yaşa, dilim!
Doğma dilin şirinliyi,
Zənginlədir dərinliyi.
Düşünəndə ərənliyi,
Hey gəlirəm cuşa, dilim!
Əbədiyyən yaşa, dilim!
İlahinin ceylasısan,
Anaların laylasısan.
Çoxlarının xülyasısan,
Türk ləhcəli qoşa dilim,
Əbədiyyən yaşa, dilim!
Məlhəmisən illətimin,
Həmqəmisən zillətimin.
Kimliyisən millətimin,
Dillər içrə paşa dilim,
Əbədiyyən yaşa, dilim!
Yaqub qalarsa ah-zarda,
Bil ki, səni qoymaz darda.
Hətta ən çətin qubarda,
Dəyməyəsən daşa, dilim!
Əbədiyyən yaşa, dilim!
Yaqub Məğrur
