Nə gözəlsən bəyaz qar,
Sənə bənzər taymı var?
Bəzənirlər səninlə,
Dağ-dərələr, ağaclar.
Kəpənəktək uçursan,
Tutmaq olmur, qaçırsan.
Ağappaq parıltınla,
Ətrafa nur saçırsan.
Səni sevir çocuqlar,
Çölə cumur qoçaqlar.
Üzərində sürüşür,
Qoşa-qoşa bacaqlar.
Qarışıb qaynayırlar,
Yarışıb şoynayırlar.
Səni yumrulayaraq,
Qartopu oynayırlar.
Qışda donub qalırsan,
Yerə yorğan salırsan.
İstilər düşən kimi,
Əriyib yox olursan.
Yaqub Məğrur
15.01.2023-cü il