Sahib Məmmədov müəllimlərə “Yeni il” hədiyyəsi göndərdi: “Ozmo”, “Tutku”, “Albeni”…..
Azərbaycan Həmkarlar İttifaqları Konfederasiyası (AHİK) yeni il münasibətilə müəllimələrə hədiyyə göndərib. İlk baxışdan bu, yaxşı addımdır, lakin hədiyyənin nədən ibarət olduğunu öyrənən, bilən hər kəs qurumu kəskin qınayır.
Xalq xəbər verir ki, sosial şəbəkələrdə yayılan videoda hədiyyə paketinin içindən “Ozmo”, “Tutku” çöplü meyvə şirəsi və digər bu kimi məhsulların çıxdığı görünür. Bu cür hədiyyələrin bayram şənliklərində uşaqlar üçün nəzərdə tutulan paketlər olduğunu deyən istifadəçilər görüntünü tənqid ediblər.
Mediada AHİK-in bu hədiyyə paketlərinin hazırlanmasının daxili satınalma yolu ilə həyata keçirildiyi və artıq bir neçə ildir ki, eyni şirkətə sifariş verdiyi haqda məlumat yayılıb.
Bundan başqa, digər təşkilatlara da məhz həmin şirkətlərdən hədiyyə paketləri və bayram şənlikləri üçün biletlər almalarının tövsiyə olunduğu bildirilir.
Qeyd edək ki, AHİK-in bir neçə gün əvvəl növbəti qurultayı keçirilib və qurultayda Sahib Məmmədov yenidən sədr seçilib.(Xalq.online)
VİDEO LİNKDƏ: https://xalq.online/sahib-memmedov-muellimlere-yeni-il-hediyyesi-gonderdi-ozmo-tutku-albeni
