Azərbaycana 100 milyon dollarlıq kredit AYRILDI
Avropa Yenidənqurma və İnkişaf Bankı (AYİB) Yaşıl İqtisadiyyatın Maliyyələşdirilməsi Mexanizmi (GEFF) proqramı üçün Azərbaycana 100 milyon ABŞ dolları (təxminən 85,6 milyon avro) ayırıb.
MİNA tv.az xəbər verir ki, toplanan vəsait enerji səmərəliliyi, bərpa olunan enerji, resurslardan səmərəli istifadə, dairəvi iqtisadiyyat və iqlim dəyişikliyinə davamlılıq sahələrində layihələr həyata keçirən özəl şirkətlərə kreditlərin verilməsi üçün istifadə olunacaq.
Proqrama 3 milyon dollara qədər texniki yardım və maliyyə vasitəçiləri üçün 4 milyon dollara qədər güzəştli maliyyələşdirmə daxildir. GEFF Azərbaycanda yaşıl maliyyənin tətbiqi üçün pilot təşəbbüs kimi xidmət edəcək və ölkənin davamlı inkişafa keçidini stimullaşdıracaq.
