Şirkət rəhbərinin ölkədən çıxışına “stop” qoyuldu
“Fair Group Construction” MMC-nin rəhbərinin ölkədən çıxışı qadağa qoyulub.
Xitab24.az-ın əldə etdiyi məlumata görə, buna şirkətin vergi borcu səbəb olub.
Belə ki, “Fair Group Construction” MMC-nin hazırda dövlət büdcəsinə 103 521 manat vergi borcu var. Şirkətə vergi borcunun ödənilməsi ilə bağlı bildiriş göndərilsə də, qarşı tərəf öhdəliyini yerinə yetirməyib.
Bu səbəbdən Bakı Kommersiya Məhkəməsi vergi borcunu ödəyənə qədər şirkət rəhbərinin ölkədən çıxışına "stop" qoyub. Şirkətin qanuni təmsilçisi Məmmədov Etibar Hüseyn oğludur.
Xatırladaq ki, “Fair Group Construction” MMC 2004-ci ilə yaradılıb və tikinti sahəsi üzrə fəaliyyət göstərir.
