BAKSOL YAŞAYIŞ MASSİVİNDƏ FƏALİYYƏT GÖSTƏRƏN MEBEL SEXİNDƏ NƏLƏR BAŞ VERİR?
Bakı şəhər sakini İsgəndərov Zaur Eldar oğlu 02.04.2024-cü il tarıxdə MİNA Tv.az saytına şikayət ərizəsi ilə müraciət edərək bildirib ki, “Baksol yaşayış massivində fəaliyyət göstərən mebel sexinin müdiri Elvin Əlizadə cari ilin yanvar ayının 15-də müqavilə bağlamadan, şifahi razılaşma yolu ilə məni işə qəbul etdi və hər ayda 1400 (bir min dörd yüz) manat əmək haqqı ödəyəcəyinə söz verdi. Yanvar ayının sonunda mənə 950 (doqquz yüz əlli) manat zəhmət haqqı ödədi. Ancaq sonra fevral ayını tam işləsəm də, maaşımı vermədi. Üstəlik, müxtəlif bəhanələrlə məni mart ayının 7-dək işlədəndən sonra bildirdi ki, maddi imkanım məhdud olduğuna görə daha sənə maaş verə bilməyəcəm. Şikayət edəcəyimi bildirəndə isə, məni təhqir edərək dedi ki, hara istəyirsən şikayət elə! Hətta söyüşlə məni hədələyərək bildirdi ki, ala bilirsənsə, gəl pulunu məndən özün al!
Ona görə də sizdən xahiş edirəm ki, halal zəhmət haqqımı Elvindən almağıma köməklik göstərəsiniz.”
PS. Araşdırmamızın nəticəsi barədə izləyicilərə məlumat veriləcək.
MİNA Tv.az saytının Araşdırma Bürosu
