Avropa Ukraynaya qoşun göndərməkdən imtina edib
Macarıstan münaqişə bitdikdən sonra Ukraynaya qoşun göndərməyəcək, çünki bu Rusiya ilə birbaşa qarşıdurma demək olardı.
Macarıstanın Baş naziri Viktor Orban bunu sosial mediada bildirib.
“Müharibədən danışarkən açıq danışmalıyıq. Bu gün təhlükə Macarıstan pullarının Ukraynaya göndərilməsindədir. Sabah gənc macarlar müharibəyə göndərilə bilər. Ukraynadakı Avropa qoşunları Rusiya ilə birbaşa münaqişə demək olardı”, – deyə siyasətçi yazıb.
Orbanın sözlərinə görə, Macarıstan bu cür təşəbbüslərdə iştirak etməkdən imtina edir.
NATO-nun baş katibi Mark Rutte daha əvvəl bildirmişdi ki, sülh müqaviləsi bağlandıqdan dərhal sonra Ukraynaya alyans qoşunları yeridiləcək. O, hərbi kontingentlərini göndərməyə razı olmayan hərbi blokun üzv dövlətlərinin Kiyevə “başqa yollarla” kömək edəcəklərini vurğulamışdı.
