İspaniya qırıcısı Rumıniyada pilotsuz uçuş aparatını vurub
Rumıniyanın hava məkanını pozan daha bir pilotsuz uçuş aparatı bu ölkədə yerləşən İspaniya Hərbi Hava Qüvvələrinin F-18 qırıcısı tərəfindən vurulub.
Bu barədə Rumıniya Müdafiə Nazirliyi məlumat yayıb.
Qeyd olunub ki, avqustun 15-dən 16-na keçən gecə yerli vaxtla saat 04:44-də müşahidə sistemləri Moldova istiqamətindən Rumıniyanın hava məkanına daxil olan hava obyektini qeydə alıb. Obyekt Qalats şəhərindən təxminən 24 kilometr şimalda aşkarlanıb.
"Mixail Koqelniçanu" aviabazasında müşahidə missiyası həyata keçirən İspaniya Hərbi Hava Qüvvələrinin F-18 qırıcısı hədəfi radarla müşayiət edib və onu vurmaq üçün icazə alıb.
Pilotsuz uçuş aparatı yerli vaxtla saat 05:01-də vurulub. PUA-nın qalıqları Qalats dairəsindəki Beleni və Kudalbi yaşayış məntəqələri arasında, yaşayış olmayan əraziyə düşüb.
Nazirlik hadisə ilə bağlı əlavə məlumatların əldə olunduqca açıqlanacağını bildirib.
Gündəm / Cəmiyyət
3-02-2026, 11:26
Salyanın keçmiş imperatorunun oğlu Rumıniyanı satın aldı -FOTOLAR
Gündəm / Cəmiyyət
24-12-2024, 15:39
