“Bloomberg”: Rusiya ərazi ambisiyalarını genişləndirə bilər
Rusiya Prezidenti Vladimir Putin ABŞ-nin vasitəçiliyi ilə aparılan sülh danışıqlarına ciddi münasibət göstərmir, ona görə də Avropa Moskvaya təzyiqi artıra bilər və bunu etməlidir.
Bu barədə “Bloomberg” yazır.
ABŞ rəsmiləri deyirlər ki, sülh prosesinin ləng irəliləməsi Vaşinqtonun səbrini tükədir. Nəşr həmçinin qeyd edir ki, problem ABŞ-nin Putinə hər hansı ciddi güzəştə getməsi üçün təzyiq göstərməkdə son dərəcə istəksiz olmasıdır.
“ABŞ bunu etməsə, Avropa ölkələri etməlidir”, - məqalədə vurğulanır.
“Bloomberg” vurğulayır ki, Putinin məqsədi təkcə Ukraynanı ələ keçirmək deyil, ABŞ liderləri bunu yadlarında saxlamalıdır:
“Son proseslər göstərir ki, 2023-2024-cü illərdə Avropa və ABŞ hədəflərinə Rusiya hibrid hücumlarının sayı təxminən üç dəfə artıb.
Tarix göstərdi ki, yenidən silahlanması üçün vaxt verilən nəzarətsiz Rusiya öz ərazi ambisiyalarını genişləndirə bilər. ABŞ bu risklə yaşaya biləcəyini düşünə bilər, amma Avropa bu cür illüziyalara tab gətirə bilməz”.
