Atalar Günü münasibətilə ömür yolunu davam etdirən bütün atalara Allahdan sağlam həyat, dünyasını dəyişənlərə rəhmət diləyirəm ATA
Ömür yollarının gərək ağacı,
Hər bir ailənin çörək ağacı,
Tikilən hər evin dirək ağacı,
Çətiri, sərvəti, varıdır Ata.
Torpağı becərib toxum əkəni,
Yurdunu qoruyub bina tikəni,
Millətin ən ümdə qayğı çəkəni,
Sultanı, padşahı, çarıdır Ata.
Ərənlər sığınar ata adına,
Dar gündə Vətənin çatar dadına.
Allahın əmriylə hər övladına,
Zülmətdə yol açan nurudur Ata.
Yaqubu ucaldan məğrur çağların,
Ucsuz ormanların, barlı bağların,
Köklü qayaların, ulu dağların,
Ən uca zirvəsi, qarıdır Ata.