“Bazarstore”də satılan “Mor-mor” suları bu antisanitar vəziyyətdə hazırlanır? -Video
Məşhur MorMor sularının antisanitar şəraitdə, hətta çirkab suyu kimi istehsal olunaraq “MorMor” adı altında satılması barədə görüntülər və iddialar ictimaiyyətdə ikrah hissi yaradıb.
Bu barədə sosial şəbəkədə paylaşım edilib.
Paylaşımda bildirilir ki, bu suyun istehsal məkanı Gədəbəy rayonunun MorMor kəndində yerləşir və müəssisə Gədəbəy rayon icra hakimiyyətinin memarı Əlövsət Bayramova məxsusdur.
İddialarda həmçinin vurğulanır ki, suda kimyəvi maddələr narahatlıq doğurur. Şirkətin rəsmi saytında isə MorMor sularının birbaşa Gədəbəy rayonu MorMor kəndindən doldurulduğu qeyd olunur.
Həmçinin bildirilir ki, Mor mor suları “Azərsun” holdinqinə məxsus “Bazarstore” mağazalar şəbəkəsində də geniş şəkildə satışda mövcuddur. Məsələ ilə bağlı müvafiq qurumların araşdırma aparması gözlənilir.( Xalq.online)
Yazıda adları keçənlərində mövqeyini dərc etməyə hazırırq.
