Milli mətbuatımızın təməl daşı – “Əkinçi”
Bəy oğlu bəy kimi xoş həyat yaşamağa hər cür imkanın olduğu halda, zülmətə qərq olmuş millətini aydınlığa çıxarmaq üçün min bir əzabla ərsəyə yetirdiyin "ƏKİNÇİ" qəzetinin bu gün 150 yaşı tamam olur, Ustad! Təəssüflər olsun ki, çıxış yolu olmayan zülm labirintində hələ də inləyən millətimiz, sağalmaz məddahlıq mərəzinə yoluxmuş indiki "davamçı"larının heç yadına da düşmür. Sənə sadiq qalan azlıq isə əzilməkdə davam edir. Hər halda ruhunun şad olması diləyilə Səni və sadiq davamçılarını Milli Mətbuat Günü münasibətilə təbrik edirəm, Ustad!
Ad günün mübarək, ƏKİNÇİ"!
Həsən bəy Zərdabinin "Əkinçi"si,
Oldu milli mətbuatın ilk incisi.
Qələmilə dedi kəskin sözlərini,
Qəzetilə açdı xalqın gözlərini.
