Ötən sayımızda "FETÖ öyrəncisi Sadiq Əliyev dövlətin sosial siyasətinə xəyanət edir? - İDDİA" başlığı altında tənqidi məqalə dərc etmişdik.(https://gundemxeber.az/gundemxeber/94497-feto-oyrencisi-sadiq-eliyev-dovletin-sosial-siyasetine-xeyanet-edir-dda.html)
Bildirmişdik ki, həm Fətullah Gülənin (FETÖ) öyrəncisi Sadiq Əliyevin, həm də Dövlət Məşğulluq Agentliyinin Bakı Regional Məşğulluq filialının sədri Habil Alıyevin (Alısoy) əlaqədar qurumla bağlı özlərinə rüşvət çetesi yaratmaq üçün etdikləri əməllərə toxunmuşduq. Yazmışdıq ki, Habil Alıyev atdığı addımı yerliçilik və bölgəçilik sütunları üzərində qurur. Bu, o demək deyil ki, gədəbəylilərin qeydinə qalır. Şəxsi mənafeyinə uyğun olduğu təqdirdə bunu edir. Şəxsi mənafeyi naminə dövlətin qurumunu öz şəxsi ambisiyaları doğrultusunda idarə edir. İstənilən kadrı, hətta gədəbəyli olsa belə, gənc və perspektivli, müharibə iştirakçısı, işinin öhdəsindən layiqıncə gəlməsinə baxmayaraq, aldadıb işdən çıxarmaq da əlindən gəlir. İşçilərin rəhbərə qarşı güvənini baltalayan qəssaba çevrilib. İşdən aldadıb çıxarmaq bir ayıb, işə qaytarılmaq adı ilə yalanlar uydurmaq ikinci ayıb. Başına oyun açdıqlarının məhkəməyə müraciət vaxtlarının keçməsindəki oyunbazlıqları tamamilə ayrıca və inanılmaz, seriallara mövzu olacaq ayıb... Ayıb üzərindən ayıb!..
Etdikləri əməllərə toxunmuşduq. Əvəzinə etdikləri əməllər acınacaqlı vəziyyət ortaya çıxarıb. Dövlət Məşğulluq Agentliyinin keçmiş sədri ilə tələbə yoldaşlığından sui-istifadə edərək yalan məlumatları ilə meydan sulayan Habil Alıyev, indi də yeni sədrlə dostluğundan daha acınacaqlı şəkildə sui-istifadəyə davam edir. Üstəlik, etdiklərindən xəbərsiz və günahsız kimi özünü təqdim edərək işin içindən sıyrılmağa da çalışır. İstər Gədəbəy, istər Şirvan, istərsə də Bakı Regional Məşğulluğun sədri olduğu az zamanda "qəssabına çevrildiyi" işçilərinin dediklərindən məlum olur ki, bütün pis əməllərin baiskarı kimi, özünəməxsus metodla yeni naziri səbəbkar kimi qələmə verir. İyrənc metodlarla idarəçilik bir məqsəd daşıyır: Dövlətə və dövlətçiliyə xəyanət!
"Mənim xəbərim yoxdur, elə mən də xəbərsizəm, Nazirlik edib" deyərək, işin içindən sıyrılmağı da ayrıca metod halına gətirib.
Redaksiyamıza daxil olan məlumata görə, Sadiq Əliyevlə Habil Alıyev arasında ticarət əlaqələri var. Kənddən Bakıya gələrkən 5 inək satıb şəhərə yerləşən Habil necə olur ki, qısa müddətdə banklardan 600.000 (Altı yüz min) manat aşağı faizlə kredit götürə bilir? Restoran şəbəkələrinin sahibi olsa da, etdiklərini başqalarının adına sənədləşdirir. Hətta maşınlarını da öz adına sənədləşdirmir. Bankda işlədiyi zamanlarda adı "Şapka Habil" kimi niyə məşhurlaşıb, bunları bilə-bilə Bakı kimi bir şəhərin məşğulluq idarəçiliyinə necə gətirilib?!
İstər “Respublika Bank”da, istərsə də “Yelo Bank”da ləqəbi "Şapka Habil" olub və belə də çağırılıb.
Redaksiyamıza danışan mənbə onu da qeyd edib ki, Habil Alıyev Bakının Mərkəzi küçələrində milyonluq obyektlərə sahibdir. Öz adına olmaması isə düşündürücüdür.
Beləliklə, keçək əsas məsələyə: Dövlət Məşğulluq Agentliyinin rəhbər heyətinə işdən qanunsuz və əsassız olaraq çıxarılan və işə qəbulla bağlı etdiyi çoxsaylı yazılı və şifahi müraciətlərin uzun müddətdir öz həllini tapmaması olduqca maraqlıdır.
Məlumat üçün bildirək ki, test və müsahibə nəticəsində Məşğulluq Mərkəzində aparıcı məsləhətçi vəzifəsinə işə qəbul edilən, staj və sınaq müddətini uğurla başa vuraraq daimi dövlət qulluqçusu adını qazanan işçi aldadılıb və süründürməçiliyə məruz qoyulub. Agentlik tərəfindən müraciətinin cavabında köməklik göstəriləcəyi bildirilsə də, 21 saylı Ərazi Məşğulluq Mərkəzi filialına yeni təyin olunan müdir Habil Alıyev bir müddətdən sonra işçiyə yaxşı kadr olduğunu, başqa idarəyə göndərmək istəmədiyini və işçini aldadaraq Şəmkir nümayəndəliyinə yaxşı vəzifəyə göndərəcəyini bildirib.
Müdir vəzifəsini icra edən Habil Alıyev heç bir səbəb olmadan cənab Prezidentin müharibə iştirakçılarının işdən çıxarılmaması barədə tapşırığına baxmayaraq, işlədiyi müddətdə heç bir nöqsanı olmadığı halda Vətən müharibəsi qazisi (Bundan sonra Qazi – müəllif.) ilə əmək müqaviləsinin müddətini uzatmayaraq müqaviləyə xitam verdirib. Hansı ki, o, Qazinin işlədiyi müddət ərzində hər zaman yaxşı işçi olduğunu bildirib və idarədə stajör kimi fəailiyyət göstərən əməkdaşlara nümunə göstərdiyi işçinin müqaviləsinə xitam verdirib. Habil Alıyevdən nə səbəbə bağlanmış əmək müqaviləsinin müddətini uzatmamasının səbəbini soruşduqda, o, özünə yeni KOMANDA yığacağını bildirib. Öz çirkin iddiasından əl çəkməyən müdir Qazidən başqa beş nəfərin də müqaviləsinə xitam verdirərək, əvəzində öz qohumlarını və tanışlarını vəzifəyə təyin etdirib. Redaksiyamıza danışan mənbə iddia edir ki, Habil Alıyev keçmiş Agentlik sədri Mustafa Abbasbəyli ilə yaxın dost olduğuna görə özbaşınalıq edir və hələ də buna göz yumulur.
Şikayət edən şəxs subordinasiya qaydalarına əməl edərək, bu barədə Dövlət Məşğulluq Agentliyinin rəhbər heyətinə məlumat verdiyini də bildirir. Rəhbərlik tərəfindən də bu məsələnin araşdırılacağı və aldadılan işçiyə köməklik ediləcəyi barədə məlumat da verilib. Amma buna baxmayaraq, təxminən üç ay aparılan araşdırmanın nəticəsi olaraq, işdən haqsız yerə çıxarılan və işində heç bir nöqsanı olmayan işçinin Habil Alıyevlə bağlanmış müddətli əmək müqaviləsinə qərəzli mövqe tutaraq xitam verilməsi haqda qərar haqlı hesab olunub. Məhz bu səbəbdən oktyabr ayında 6 saylı Ərazi Məşğulluq Mərkəzi filialına Qazinin işə qəbul olunması haqda qərar verildi. Amma buna baxmayaraq, işə qəbul prosesi zamanı heç bir qanuni əsas olmadan Qazinin anasının əlilliyinin yoxlanılması tələb olundu. Yoxlamadan sonra Qazinin anasının 21 il 7 aylıq əlillik pensiyası dayandırıldı və yenə də işə qəbulu ləngidilib. Belə olan təqdirdə Qazi işçi yenidən Dövlət Məşğulluq Agentliyinə müraciət etmək məcburiyyətində qalıb. Agentlik tərəfindən 2021-ci ilin dekabr ayında işə qəbul üçün sənədlərin Nazirliyə göndərilməsi bildirilib. 9 ay keçdikdən sonra Nazirlikdən Qaziyə işə götürülməyəcəyi haqda bildiriş verilib. Bu zaman Qazi haqqını tələb edəcəyini bildirib və lazimi orqanlara müraciət edəcəyini də deyib. Hətta bu haqsızlığı cənab Prezidentə çatdırılması üçün ölkə mediasına da müraciət edəcəyini diqqətlərinə çatdırıb. Qazinin belə bir mesajından sonra Agentliyin sədri Mustafa Abbasbəyli bildirib ki, "yazı-pozu ilə iş həll olunmur. Media özü Nazirliyin qabağında kəlləmayallaq dursa belə, biz işə qəbul etmiriksə, etməyəcəyik!" Qazi haqsız yerə işsiz qaldığını və anasının əlilliyinin dayandırılmasını əsas gətirərək fəryad edir. Prezident İlham Əliyevin müharibə iştirakçılarının işlə təmin olunmasına və işdən çıxarılmaması barədə tapşırıqlar verməsinə baxmayaraq, Mustafa Abbasbəyli və Habil Alıyev buna məhəl qoymurlar.(gundemxeber.az)
Ardı var...