Rusiya ilə Azərbaycan arasında gərginlik və bu gərginliyin nədənləri hər kəsə aydındır. Hər kəsə aydın olanı isə həm də odur ki, bu münsaibət gərginliyi fonunda hər bir Azərbaycan vətəndaşı öz dövlətinin və millətinin maraqlarının yanında olmalı, müdafiəçisinə çevrilməlidir.

Elə bu baxımdan hazırda Rusiyada yaşayan yüzlərlə azərbaycanlı iş adamına Kremlin xüsusi xidmət orqanları tərəfindən cidd8i basqıların edildiyi də faktdır. Yəni onlara sərvət qazandıqları Rusiya ilə qanları ilə, canları ilə bağlı olduqları Azərbaycan arasında seçim etmək təklifi edilir. Belə şəraitdə ölkəmizə qarşı hansı təhlükələrin ola biləcəyini təxmin etdikdə durumun daha da kritikliyi göz önündə canlanır.

Yəni mümkündür ki, hansısa soydaşımız bu baqsılara rəğmən Azərbaycan əleyhinə fəaliyyətə cəlb olunsun. Belə olan halda əlində pul olan birilərinin dövlətimizə qarşı İŞ DÜŞMƏN kimi fəaliyyəti çox ciddi bir təhlükə mahiyyətini daşıyır. Odur ki, bu məsələdə soydaşlarımız təmkinli olmalı olduğu kimi, dövlətimiz də tədbirli olmaq zorundadır.

Yəni yuxarıda təsvir etdiyimiz məqamlardan da aydın olur ki, durum yetərincə gərgin notlarla müşaiyət olunur və bu müstəvidə "DİA-AZ" olaraq diqqətimizi bir mövqe də cəlb edir. Söhbət mərbuatımızda ALİM kimi nişan verilən (amma hansısa elmi fəaliyyəti barədə kimsə bilgili deyil -red.) və PUTİNİN DOSTU olaraq tanıdığımız milyarder İlham Rəhimovdan gedir.

Bu vaxta qədər də "DİA-AZ" olaraq bu adamdan yazmışdıq və onun Putinlə dostluğunun yalnız və yalnız özünün şəxsi biznes maraqlarına yaradığını xüsusi olaraq vurğulamışdıq və bu iddialarımızda da sonradan HAQLI olduğumuz dəfələrlə təsdiqləndi. Yəni Ermənistanda da PUTİNİN DOSTU var və bu statusu daşıyan Ermənistanın keçmiş prezidenti Robert Köçəryan İlham Rəhimovdan fərqli olaraq Rusiya prezidenti ilə yaxınlığını şəxsi maraqlarından daha çox, dövlətinin maraqları naminə xərcləməkdədir.

Bizimki isə bəllidir. Və bu gün kimi aydın müstvəidə bir paraları nədənsə israrla İlham Rəhimovun kirli reputasiyasını yumağa çalışırlar. KİRLİ REPUTASİYA dedikdə bu barədə də "DİA-AZ" olaraq dəfələrlə bilgilər vermişik. Məsələn faktdır ki, İlham rəhimov dünənə qədər Putinlə dostluğundan istifadə edərək Rusiyada yaşayan azərbaycanlı iş adamlarını özünə biət etdirib. Yəni onun qılıncının altından keçməyənlər sıradan çıxarılıb. Necə ki AST Telman və digərləri kimi...

Bu bir yana... Rusiya ilə gərgin münasibətlər fonunda İlham Rəhimov nəinki tükünü belə tərpətmədi, boş-boş işlərlə məşğul olması ilə də diqqətə gəldi. Məsələn, özünə yandaş mediada təbliğat qurdurdu ki, guya hazırda Rusiyada həbsdə saxlanılan Azərbaycan diasporasının nüfuzlu simalarından olan Şahin Şıxlinskini ilk dəfə həbsdən o qurtarıb. Əgər belə idisə, niyə Şahin Şıxlinski hazırda həbsdədir? Yəni HƏBSDƏN QURTARMAQ o deməkdir ki, adam ümumuyyətlə, həbs olunmur və adamı bir neçə günlük evə buraxıb təkrar yenə həbs edirlərsə, bu faktın üzərində də İlham Rəhimov boyda PUTİNİN DOSTUNA ucuz təbliğat qurmağa çalışırlarsa,Ş deməli, kifayət qədər əliyalındırlar və qorxduqları NƏSƏ var...

Əslində qorxduqları NƏSƏ hər kəsə bəllidir. Yəni "İlham Rəhimov bu gərginlik fonunda kimin yanındadır" sualına İlham rəhimovun özünün verdiyi cavab artıq aydın olur, yəni bəlli olur ki, bu cavab heç də bizdən yana deyil... Əgər belə olsaydı, digərləri kimi İlham rəhimovun da BİZNESİ təhlükə altına düşərdi...

İndi deyəcəksiniz ki, əşi, kişidən nə istəyirsiniz... düşdü də...
HANSI BİZNES?

AŞAĞIDAKI XƏBƏRİ DEYİRSİNİZ?

***

"Rusiyada azərbaycanlılara, xüsusilə də azərbaycanlı iş adamlarına qarşı təzyiqlər deyəsən, Vladimir Putinin dostu kimi tanınan İlham Rəhimova da çatıb.

Məlum olduğu kimi, bəzilərinin “Putin İlham” da adlandırdığı “oliqarx-professor” Rəhimovun Rusiyada dəyəri milyardlarla ölçülən biznesinin olduğu bildirilir.

Rusiya RBK-sının yazdığına görə, Rusiyanın Şeremetyevo hava limanındakı ən böyük rüsumsuz mağazalar operatoruna aid “Duty free” obyektləri azərbaycanlı iş adamı Araz Mehdiyevdən alınıb. Avqustun 25-dən etibarən bu mağazalar Vitali Bavin adlı şəxsin adına keçib.

A.Mehdiyev haqqında rəsmi mənbələrdə çox az məlumat var. O, Rusiyanın ən böyük kirayəçisi olan “Kiyevski Ploşad” qrupunun bir sıra layihələrində keçmiş tərəfdaş kimi qeyd olunub. Ən əsası isə A.Mehdiyev İlham Rəhimovun kürəkənidir. Bunu Rəhimovun özü də müsahibələrinin birində təsdiqləyib və qeyd edib ki, biznesinin böyük hissəsini ona dövr edib.

Belə olan halda, Şeremetyevodakı mağazaların A.Mehdiyevin deyil, İ.Rəhimovun əlindən çıxdığı qənaəti yaranır. Mağazaların Bavin adlı şəxsə ötürülməsinin formal xarakterli gediş olduğu, yoxsa həqiqətən Rəhimovdan alındığı sualı isə açıq qalır".

****

Dəyərli oxucular... Siz ki uşaq deyilsiniz... Özünüz də açıq şəkildə sezdiniz ki, mətbuatda bu xəbəri dövriyyəyə buraxanlar yenə də ƏL-ÜZ YUMAQLA məşğuldurlar... Bəli, hər halda, İlham Rəhimovun biznesi bir meyvə köşkündən ibarət deyil. Həm də... İlham Rəhimov bütün biznesində BİLDİYİMİZ kimi Rusiya prezidenti Vladimir Putinlə ortaqdır və əgər həqiqətən də hansısa Bavin adlı şəxs Araz Mehdiyevi hansısa meyvə-tərəvəz "otdel"inin başında əvəzləyibsə, BU YALNIZ GÖZƏ KÜL ÜFÜRMƏK ÜÇÜN ola bilər.

İlham Rəhimov hələ də PUTİNİN DOSTUDUR, Azərbaycanın yox... İnanmayanlar bunu onun özündən soruşa bilərlər... Yəni sual edə bilərlər ki, SEÇMƏLİ olarsa, hansı yanda dayanacaq...

P.S, Hə, lütfən... "Ay İlham Rəhimov Tovuzda uşaq bağçası tikib, yol çəkib, neçə nəfərə maaş verir" kimi nağılları da sırımayın... Göyçaylı yetim Fərhad Əhmədov öz rayonu üçün ondan qat-qat artığını edib, bu gün nəinki Rusiyada, Azərbaycanın özündə belə biznesi təqib altındadır... Və yaxud da "Palmali Mübariz" öz rayonu üçün azmı etmişdi onu "güllənin qabağına" verdiniz? Yəni bunlar arqument deyil və dediyimiz sualı İlham Rəhimova mütləq verin ki, ürəyiniz yerinə gəlsin...

P.P.S. Biznesin əlindən alınmasına gəlincə isə... bir daha qeyd edirik: Ya bu biznes Putində oldu, ya da İlham Rəhimovda nə fərqi? Ortaq deyillərmi? Ya keçəl Həsən... ya da Həsən Keçəl..: NƏ FƏRQİ VAR Kİ?..(DİA-AZ)