Dramatik anekdot: Su ehtiyatları ADSEA-da birləşdiriləndən və Zaur Mikayılova tapşırılandan sonra qəza xidməti üçün maşınlar alınıb və təbii ki, qiymət fərqi ilə sağ ovuclarını da qaşıyıblar. Amma məsələ başqadır:

Bu maşınların hündürlüyü təxminən 4 metr (3,8 metr) təşkil edir və hara gedirlərsə, hava naqillərini qırıb tökürlər. İndi də qəza maşınlarını yenidən dəyişmək istəyirlər. Nə də olsa, yenə qazanacaqlar. İtirən dövlət olacaq - o pullarla şəhid ailələri və qazilər üçün müavinətləri artırmaq olardı.

Heyrət bir şey! İnsanlar nə qədər fərqli ola bilərmiş: Eynşteyn praktik təcrübə aparmadan xəyalən təsbit edib ki, qatarda gedən adamla yerdə dayanan adam üçün zaman fərqli sürətlə keçir, yəni qatarda gedən adamın ömrü hissedilməyəcək dərəcədə olsa da, uzanır. Və bu təcrübə nisbilik nəzəriyyəsinin özülüdür. Amma Azərbaycanın bütün suyuna qərar verənlər 4 metr hündürlükdə maşınların hansı fəsadları törədəcəyini hesablaya bilmirlər.

P.S. Qurum şikayət və sorğulara cavab vermədiyinə görə mövqeyini öyrənə bilmirik(bizimyol.info).

P.P.S. Yeri gəlmişkən, bir neçə gün əvvəl Agentlik və onun "qudalar iqtidarı" ilə bağlı saytlarda yayılan yazıda aparat rəhbəri Fuad Quliyevla bağlı belə bir "epizod" vardı:

"...Hazırda Zaur Mikayılov faktiki olaraq ADSEA-da idarəetməni əziz qudası Fuad Quliyevin tam ixtiyarına verib. O da aləmi bir-birinə qatıb, öz biznesini çiçəkləndirir. Vaxtı ilə dövlət satınalmaları sektorunda, paralel olaraq biznes sahəsində çalışan Fuad Quliyev hazırda ADSEA-nım tenderləri hesabına biznesini böyüdür.

Biznes ortaqları ilə birlikdə faktiki onun" kontrol"unda olan "PDL MMC"-yə və digər şirkətlərə melorasiya və su, kanalizasiya sistemi üzrə işlərdə tenderlər vasitəsilə böyük pullar ötürür.

Onun təkcə yeni qurulan Mingəçevir-Hacıqabul kanalının tikintisində həyata keçirdiyi proseslər hüquq-mühafizə orqanlarının araşdırmasına təqdim olunsa, dəhşətli yeyinti faktları ortaya qoyular.
Bu işləri tənzimləməkdə digər quda Əsəd Şirinov əsas "menecerdir".

Dəqiqləşdirməmiz zamanı bir fakt da üzə çıxıb: Fuad Quliyev saxta diplomlar satan ABU-nun "məzunu"dur.".

Mia.az