“TamStore”də endirimlə müştəriləri necə aldadırlar
Müştəri “TamStore” mağazalar şəbəkəsinin yeni endirim saxtakarlığını üzə çıxarıb.
Bunu sözügedən marketdən alış-veriş edən Rəna Şabanova ictimailəşdirib. Müştəri bildirib ki, market 10 manatlıq alış-verişdə endirim edəcəyini desə də, kassada məlum olur ki, belə deyil:
“Bu gun” TamStore” marketdən aliş-veriş etmişdim. Aksiyada elan etmişdilər ki, 10 manatdan yuxarı alış-verlişdə endirimli məhsullar var. Kassada məlum oldu ki, 10 manatdan yuxarı məhsullardan əlavə də daha 10 manatlıq aliş-veriş olmalıdır ki, məhsullar endirimə düşsün. Amma reklam bukletində bunu qeyd edilməyib”.
Şikayətçi Rəna Şabanova alıcıların aldanmaması üçün bu məlumatı patlaşdığını bildirib və qeyd edib ki, ehtiyatlı olun.
Qeyd edək ki, “TamStore” İnzibati Xətalar Məcəlləsinin müxtəlif maddələrini bir neçə dəfə pozduğu üçün barəsində cərimə protokolu imzalanıb.
Xatırladaq ki, “TamStore” supermarketlərinin sahibi olan “TamStore” MMC “Avrora Qrup” tərəfindən 2023-cü ildə yaradılıb. “TamStore” MMC-nin qanuni təmsilçisi Ceyhun Yusubov Lətif oğludur.(Xalq.online)
