Babək prospektində binanın birinci mərtəbəsi sökülərək obyekt açılır? -Videofakt
Daxil olan məlumata görə, Bakı şəhəri, Babək prospekti 92 ünvanında yerləşən çoxmərtəbəli binada sakinləri narahat edən təhlükəli vəziyyət yaranıb. Bildirilir ki, binanın birinci mərtəbəsində yerləşən sahə sonradan obyektə çevrilmək məqsədilə qanunsuz şəkildə yenidən qurulub və bu zaman daşıyıcı divarların əhəmiyyətli hissəsi kəsilib.
Sakinlərin sözlərinə görə, daşıyıcı konstruksiyaların zəiflədilməsi binanın ümumi dayanıqlığına ciddi zərbə vurub və artıq qonşu mənzillərdə, xüsusilə sanitar qovşaqlarda çatlar yaranıb, kafel və plitələr qoparaq tökülməyə başlayıb. Bu hal binanın konstruktiv bütövlüyü üçün real təhlükə yaradır və hər an daha ciddi problemlərin baş verməsi ehtimalını artırır.
Sakinlər aidiyyəti qurumlardan məsələyə təcili müdaxilə olunmasını, binanın texniki vəziyyətinin qiymətləndirilməsini və qanunsuz müdaxilənin qarşısının alınmasını xahiş edirlər. Onların sözlərinə görə, vaxtında tədbir görülməsə, bu fəsadlar həm maddi ziyana, həm də insanların həyatı üçün ciddi riskə səbəb ola bilər.
Video Player
https://xalq.online/babek-prospektinde-binanin-birinci-mertebesi-sokulerek-obyekt-acilir-videofaktQeyd edək ki, Babək prospekti 92 Xətai rayonu ərazisidir və 2019-cu ildən rayon icra hakimiyyətinin başçısı Rafiq Quliyevdir.
Xalq.online
