Binəqədi–Novxanı yolunda aparılan qanunsuz tikinti işləri artıq açıq-aşkar ictimai narahatlıq doğurur.

Yol kənarında, neft pompalarının yaxınlığında heç bir məlumat lövhəsi, icazə sənədi olmadan sürətlə ucaldılan tikililər bir sualı gündəmə gətirir: Bu özbaşınalığa kim icazə verib və aidiyyəti qurumlar niyə susur?

Şəhərsalma və Tikinti Məcəlləsinin tələblərinə görə, hər bir tikinti işi müvafiq icra hakimiyyəti orqanlarının razılığı və rəsmi sənədlər əsasında aparılmalıdır.

Lakin Binəqədi–Novxanı yolunda (dəyirman yolu)gedən tikinti prosesində bu tələblərin heç birinə əməl olunmadığı iddia edilir.

Xalq xəbər verir ki, nə ərazidə ictimai məlumatlandırma lövhəsi var, nə də təhlükəsizlik normalarına riayət edilir.

İşlək neft buruqları yaxınlığında tikintilər kim himayədarlıq edir. Maklerlər ev inşa edib satışını həyata keçirirlər.

Sual olunur: Binəqədi Rayon İcra Hakimiyyəti, Dövlət Şəhərsalma və Arxitektura Komitəsi, FHN-İ eləcə də digər nəzarət orqanları bu tikintidən xəbərsizdir, yoxsa xəbərdar olub göz yumurlar?

Əgər xəbərsizdirlərsə, nəzarət mexanizmləri niyə işləmir? Əgər xəbərdardırlar və tədbir görülmürsə, bu, artıq himayədarlıq şübhələrini yaradır.

Cəmiyyətdə isə belə qanunsuz tikililər narazılıq yaranır. Qanunsuz tikintilər kimlərin maraqlarına xidmət edir və bu maraqlar qanundan üstün tutulurmu?

Aidiyyəti qurumlar məsələyə aydınlıq gətirməli, qanunsuz tikintinin dərhal dayandırılması və qanunsuz tikintiyə icazə verən şəxslərin cəzalandırılması üçün addımlar atmalıdır.

Məsələ ilə bağlı aidiyyatı qurumlarda heç bir açıqlama ala bilmədik.

Qurumların fikirlərini dərc etməyə hazırıq.

Həmin görüntüləri təqdim edirik:(Xalq.online)

VİDEO LİNKDƏ: https://xalq.online/bineqedi-novxani-yolunda-neft-buruqlari-erazisinde-tikintiye-hansi-memur-icaze-verib-videofakt