Ağdam, Füzuli və Xocavənd rayonlarında Bərpa, Tikinti və İdarəetmə Xidməti daha bir tenderə yekun vurub.

Qurum Ağdam rayonu, Ağdam şəhəri F-2 yaşayış məhəlləsi üzrə energetika təsərrüfatı obyektləri, sahədaxili mühəndis kommunikasiya sistemləri (su, kanalizasiya, elektrik təchizatı, xarici işıqlandırma, yol və səkilər) və yaşıllıq, abadlıq işləri üzrə nəticələri açıqlayıb.

Məlum olub ki, tenderin qalibi “KÖRPÜ-BİNA-TİKİNTİ” MMC olub. Şirkətlə Xidmət arasında bu işlərin görülməsi üçün 9 milyon 321 min 499 manatlıq müqavilə imzalanıb.

Qeyd edək ki, Ağdam, Füzuli və Xocavənd rayonlarında Bərpa, Tikinti və İdarəetmə Xidməti ilə “Körpü-Bina-Tikinti” MMC arasında bu ilk anlaşma deyil. Belə ki, ötən ilin yayında da tərəflər tender məsələsində bahallı müqavilə imzalayıblar. Açıq mənbələrdə qeyd edilir ki, Ağdam şəhəri 5-ci yaşayış massivi, məhəllə O-120 üzrə binaların tikintisi işləri sözügedən şirkətə həvalə olunub. Bunun üçün Xidmət MMC-yə 13 milyon 800 min 57 manat pul ödəyib.

Qeyd edək ki, adı bir neçə qalmaqallarda keçən “Körpü-Bina-Tikinti” MMC ötən il ərzində toplam 6 tenderin qalibi olub. Onlardan ikisi Ağdam, Füzuli və Xocavənd rayonlarında Bərpa, Tikinti və İdarəetmə Xidmətinin keçirdiyi müasabiqələr olub.

Bundan başqa, MMC Sərhəd Xidmətinin üç tenderinin də qalibi olub. “Sərhədçi” istirahət mərkəzində abadlıq və əsaslı təmir işlərini həyata keçirən “KBT” MMC bunun müqabilində 452 min 376 manat, elə həmin məkanda hovuzların əsaslı təmirinə görə isə 195 min 387 manat ödəniş alıb.

Maraqlıdır ki, DSX-nın Goradil qəsəbəsində yerləşən “Sərhədçi” istirahət mərkəzində cari təmir işləri bir ildə iki dəfə həyata keçirilib. Və hər ikisinin qalibi KTB MMC olub. İkinci dəfə isə şirkət dövlətb qurumundan 460 min 397 manat ödəniş alıb.

Açıq mənbələrdə o da qeyd edilir ki, analoji tenderlərdən biri də “Tikilməkdə olan Obyektlərin Müdriyyəti”nin keçirdiyi olub. Bu zaman “KBT” MMC Zəngilan şəhərinin magistral su xətlərinin, tullantı, yağış kollektorlarının və qurğularının tikintisinin LS sənədlərinin hazırlanması və tikintinin həyata keçirilməsi çərçivəsində TSTQT-ni də reallaşdırıb. Buna görə isə 6 milyon 314 min 322 manatlıq saziş imzalanıb.

Açıq mənbələrdə bildirilir ki, «Körpü-Bina-Tikinti» MMC 2001-ci ildə təsis edilib. Şirkətin rəhbəri isə Xəlil Göyüşovdur. Onun adı bir çox məsələlərdə hallanıb. Məsələn, bir vaxtlar Göyüşovun ləğv edilmiş MTN-nin keçmiş rəhbəri Eldar Mahmudovun biznesini idarə etdiyi iddiaları açıq mənbələrdə bu gün də mövcuddur.

Bundan başqa, onun oğlu hərbi xidmətdə ola-ola Bakıda avtoşluq etməsinə dair də məlumatlar mövcuddur. Son belə qalmaqallı olay isə ötən il yağış sularının yığılması səbəbindən Sabunçudakı tuneldə iki nəfərin ölməsi zamanı baş verib. Həmin vaxt məlum olub ki, həmin tuneli inşa edənm “KTB” MMC yağış sularının ötrürülməsi üçün kollektro inşa etməyib.

Qarşı tərəfi də dinləməyə hazırıq.Tribuna