Turizm Agentliyinin 600 min manata gətirdiyi blogerləri neynirik?
Dövlət Turizim Agentliyi (DTA) daha bir bahalı tenderə hazırlaşır.
Bu dəfə də Agentlik dəfələrlə tənqid edildiyi məsələni reallaşdırmaq fikrindədir.
Məlumatda bildirilir ki, Səudiyyə Ərəbistanı, BƏƏ və Qətərdən jurnalistlər, blogerlər və turizm şirkətləri üçün tanışlıq səfərlərinin təşkili xidmətləri satın alınacaq. Bu xidmət üçün Agentlik 597 min 526 manat xərcələyəcək. Müsabiqənin nəticəsi isə martın 3-də açıqlanacaq.
Qeyd edək ki, BƏƏ, Səudiyyə Ərəbistanı və Qətərdən gələn blogger və jurnalistlərin sayı barədə məlumat yoxdur. Yalnız hər bir ölkədən bir dəfə səfər təşkil olunacağına dair məlumat var.
Bildirək ki, ölkə mediasında Turizm Agentliyi bu cür təbliğat işlərinə görə dəfələrlə tənqid edilib. Açıq mənbələrdə bildirilir ki, Agentliyin bu işlərə sərf etdiyi xərclər ya şişirdilib, ya da səmərəsizdir. /Tribuna/
