”Meqa” sığorta şirkətindən şikayət-Zərəri ödəmirlər…
Qəzadan sonra sığorta şirkəti tərəfindən zərərin tam ödənilməməsi sürücünü narazı salıb.
Bu barədə XALQ-a zərərçəkmiş sürücü məlumat verib. Şaiq Şirinov deyir ki, yanvarın 30-da paytaxtın Xəzər rayonu Buzovna qəsəbəsi ərazisində bir avtomobil onun idarə etdiyi maşınla toqquşub. Hadisəni törədən sürücü bildirib ki, avtomobilini icbari qaydada ”Meqa” sığorta şirkətində sığorta etdirib. Onlar qaydalara uyğun olaraq sığorta şirkətinə məlumat veriblər və hadisə yerinə gələn ekspertlər hər iki avtomobilin şəkillərini çəkib.
Bundan sonra zərərçəkmiş özü xərc çəkib avtomobilini bir neçə gün ərzində təmir etdirib. İddia edir ki, həmin zədələnmiş bəzi detallar təmirə yaramadığı üçün ikinci əl alaraq dəyişdirib. Amma sığorta şirkəti bunu ona irad tutaraq zərəri ödəməkdən imtina edib. Hər halda Şaiq Şirinov belə deyir.
Sürücü deyir ki, əgər onun əmlakına dəymiş zərər ödənilməsə, məhkəməyə müraciət edəcək.
Məsələ ilə bağlı ”Mega” sığorta şirkəti ilə əlaq yaratdıq. ”Xəzər Xəbər”ə bildirdilər ki, həmin zərərçəkmiş sürücü ilə danışıq aparıb və dəymiş zərərin ödənilməsində razılığa gəliblər.
Xezerxeber.az mövzu ilə bağlı daha ətraflı videomaterialı təqdim edir.
