Göl qurudulur qanunsuz tikinti aparılır: “Makler evləri” keyfiyyətlidir?-Video
El arasında “makler evləri” kimi tikilən evlərin keyfiyyəti nə qədərdir?
Son zamanlar Bakının kənd və qəsəbələrində “makler evləri” adlandırılan tikililərin inşası artıb. Bu evlərin qiyməti nisbətən ucuz, tələbat isə yüksəkdir. Lakin onlara münasibət birmənalı deyil. Sakinlərdən biri bildirib ki, belə evlər keyfiyyətli deyil. Digər bir vətəndaş isə vurğulayıb ki, bu tip evlərin birini cəmi 15-20 günə tikirlər. İnşaat eksperti Şirin Şərifovun sözlərinə görə, münasib qiymət və həyətyanı sahənin olması bəzi vətəndaşların bu cür evlərə üstünlük verməsinə səbəb olur: “Lakin burada bazar qiymətlərinə mütləq diqqət yetirmək lazımdır.
Orta keyfiyyətli materiallarla hazırda həyət evinin tikintisi (təmir daxil) hər kvadratmetr üçün təxminən 300-350 manata başa gəlir. Əgər alınan mənzilin bir kvadratmetri bu məbləğdən aşağıdırsa, belə olan halda keyfiyyətdən söhbət gedə bilməz. Hazırda müşahidə edirik ki, torpaq sahələri alınır və xüsusi komandalar tərəfindən evlər tikilərək satışa çıxarılır. Bu zaman istifadə olunan tikinti materiallarının keyfiyyəti istər-istəməz aşağı düşür. Nəticədə, sakinlər köçdükdən sonra əlavə təmir işləri aparmağa, infrastruktur və konstruktiv dəyişikliklər etməyə məcbur qalırlar”.
Teref
