(Qardaş Türkiyənin 100 illiyinə ithaf)

Min illərdən gəlir səsin, sorağın,
Tarixlərə düşüb qızıl varağın.
Cahana nur saçır ziya-çırağın,
Ki, hamı öz payın bulsun, Türkiyə!
Yüz yaşın mübarək olsun, Türkiyə!

Millətin uludan uludur sənin,
Yolun qəhrəmanlıq yoludur sənin.
Tarixin zəfərlə doludur sənin,
Yeni qələbələr çalsın Türkiyə!
Yüz yaşın mübarək olsun, Türkiyə!

Dünyanın qüdrətli ölkəsisən sən,
Cəsur pəhləvanlar bölgəsisən sən.
Qədim Göy Türklərin bəlgəsisən sən,
Ürəyin qürurla dolsun, Türkiyə!
Yüz yaşın mübarək olsun, Türkiyə!

Keçdi azadlığın Çanaqqaladan,
Gücünlə qurtuldun min cür bəladan.
Dursun dayağında uca Yaradan,
Düşmənlər saralıb solsun, Türkiyə!
Yüz yaşın mübarək olsun, Türkiyə!

İslam aləminin havadarısan,
Qardaş ölkələrin hamidarısan.
Ulu Atatürkün yadigarısan,
Varlığın əbədi qalsın, Türkiyə!
Yüz yaşın mübarək olsun, Türkiyə!

Bizə dayaq oldun, can Qarabağda,
Düşməni məhv etdik, hər dərə-dağda.
Alaq Zəngəzuru növbəti çağda,
Qoy düşmən başını yolsun, Türkiyə!
Yüz yaşın mübarək olsun, Türkiyə!

Sənin dəstəkçindir Azərbaycan da,
Bu birlik əbədi olsun hər yanda!
Böyüyüb parlasın bütün cahanda,
Düşmənə vəlvələ salsın Türkiyə!
Yüz yaşın mübarək olsun, Türkiyə!

Bir xalq, iki dövlət sayılırıq biz,
Təməlin qoyublar dədələrimiz.
Vacibdir birləşsin ölkələrimiz,
Hər dərdə bir çarə qılsın Türkyə!
Yüz yaşın mübarək olsun, Türkiyə!

Qoy Yaqub Məğrur da dursun sırana,
Şeirlə güc versin, səni qurana!
Artıq üz tutmusan, böyük Turana,
Öndərlik yerini alsın Türkiyə!
Yüz yaşın mübarək olsun, Türkiyə!

Yaqub Məğrur
29.10.2023-cü il