Muxtar Babayevin Haftoni ilə bağlı MÜDHİŞ PLANI... - "Asfalt Raqib"in ETSN-ə NƏ DƏXLİ?
"Ekologiya və Təbii Sərvətlər Nazirliyi, nazir Muxtar Babayev bilsin ki, o ərazidən vaz keçməmişik, keçməcəyik də. Orada bağ yox meşə olmalıdır!" Bu sözlər Haftoni meşəsi ilə bağlı yaranmış durumdan edilən giley-müraciətdə yer alıb.
Müraciətdə daha sonra deyilir: "Haftoni meşəsində meşəbərpa adı ilə meyvə ağaclarının əkininə başlanıb! Xatirladaq ki, həmin ərazi Hirkan meşələri ekosisteminə aiddir və Hirkan meşələri keçən ilin sonu UNESCO-nun Ümumidünya İrs Siyahısına salınıb.
2020-ci ildə dağıdılaraq zəbt olunmuş ərazi (130 hektar) Lənkaran Asfalt Zavodunun direktoru Asfalt Raqib ləqəbli sahibkarın oğluna meşəbərpa məqsədi ilə ETSN tərəfindən icarəyə verilib.
Bizə verilən məlumata görə, ərazinin özbaşına zəbt edilən 30 hektar hissəsində (şəkildəki sarı rənglə işarəlnmiş hissə) bu yaxınlarda meşəcinsli ağaclar əkilib (belə də olmalı idi), ancaq yerdə qalan 100 hektar ərazidə də eynisi edilməlidir..."
dia-az.info
