XARİCİLƏRƏ CAN-BAŞLA XİDMƏT GÖSTƏRƏN QƏBƏLƏ RAYON RƏHBƏRLİYİ YERLİ ƏHALİNİN AĞIR DURUMUNA NİYƏ BİGANƏ YANAŞIRLAR?
Bir neçə gündür ki, Qəbələ rayonununun Vəndam, Bunut, Həzrə, Girvə və Məmmədağalı kənd sakinləri redaksiyamıza ardıcıl telefon açaraq ağır durumdan heç cür çıxa bilmədikləri barədə şikayətlənib bildirirlər ki, göydən beş damcı yağış yağan kimi işıqlar sönür və bütün günü elektriksiz qalırlar. Bu da şəxsi təsərrüfatlarını idarə etməkdə onlara böyük əngəllər yaradır. Üstəlik yayın od kimi yandırıb-yaxan çağında mənzillərdə sərinkeşlərin işləməməsi onların həyatını dözülməz həddə çatdırır. Bununla əlaqədar dəfələrlə rayon İcra Hakimiyyətinin və İşıq İdarəsinin rəhbərliyinə müraciət etsələr də, heç bir tədbir görülmür.
Sözügedən problemlə əlaqədar biz də Qəbələ RİH-nin başçısı cənab Səbuhi Abdullayevə və RETSİ-nin rəisi İlham Hüseynova dəfələrlə zəng etsək də telefona cavab verən olmadı. Görəsən yüksək postları mənimsəmiş rayon rəhbərliyi və fakta məsul vəzifəlilər əhalinin ağır durumuna niyə laqeyd yanaşırlar?
Onlardan tezliklə cavab gözləyirik.
MİNA Tv.az saytının Araşdırma Bürosu
