Çində daşqın nəticəsində 25 nəfər ölüb
Çinin Qansu əyalətində baş verən daşqın nəticəsində ölənlərin sayı 25 nəfərə çatıb.
Bu barədə bazar günü "Sinxua" agentliyi məlumat yayıb.
Bundan əlavə, 23 nəfər yaralanıb. Qeyd olunub ki, Milli Komissiya əyalət hakimiyyətlərindən vəziyyətlə bağlı araşdırma və qiymətləndirmə aparmağı xahiş edib.
İyulun 26-da əyalətin bir neçə rayonunda güclü yağışlar yağıb və yerli hakimiyyət orqanları əlverişsiz hava şəraiti ilə bağlı xəbərdarlıqlar yayıb.
Eyni zamanda Siçuan əyalətində şiddətli hava şəraiti səbəbindən 64.609 nəfər təxliyə edilib və daşqın mövsümünün başlanğıcından bəri 881.000-dən çox sakin evlərini tərk etmək məcburiyyətində qalıb.
Çin Meteorologiya Xidməti ölkənin cənub-qərbdən şimal-şərqə qədər geniş ərazilərində güclü yağış, külək və ildırım çaxacağını proqnozlaşdırır. Həmçinin qeyd olunur ki, hazırda qərbi Sakit okeandan Şərqi Asiyaya doğru hərəkət edən super tayfun "Dolfin"in çərşənbə gününə qədər Çinin cənub-şərq sahil bölgələrinə çatacağı gözlənilir.
