TƏŞƏKKÜRNAMƏ
Son vaxtlar ürəyimdə yaranan kəskin ağrılarla əlaqədar 28.10.2024-cü il tarixdə Mediland Hospitala müraciət etdim. Məni koronar-anqeoqrafiya (KAQ) müayinəsindən keçirən sözügedən hospitalın Kardiologiya Şöbəsinin müdiri, invaziv-kardioloq Vüqar Zamanov ürəyimin iki əsas damarında 99 % tıxanıqlıq yarandığını, ürəyin hər an dayana biləcəyini, buna görə stend qoyacağını, hətta zərurət yaranacağı halda açıq ürək əməliyyatı həyata keçirəcəyini bildirdi.
Bir günlük tibbi hazırlıqdan sonra stend qoyma əməliyyatı uğurla həyata keçirildi və palataya yerləşdirildim. Daha bir sutkadan sonra isə evə buraxıldım. Hazırda özümü gümrah hiss edirəm.
Sözügedən müddətdə mənə göstərilən hərtərəfli tibbi xidmətə görə hörmətli həkimim Vüqar Zamanova və bütün tibbi personala, şəxsimə vicdanla xidmət edən tibb bacısı Aysel xanıma, eləcə də tibbi statist Sevinc Hacıyevaya və qeydiyyatçı Aysel Qənbərliyə dərin təşəkkürlərimi bildirirəm.
Yaqub Məğrur
Şair-publisist, MİNA Tv.az saytının baş redaktoru
