“Premium Bank”ın “PREMİUM” XİDMƏTİ... - Nə vaxt pul lazım oldu... UTANMA... GƏL!
"Yola saldığımız il bəlli oldu ki, “Premium Bank” gəliri olmayan adi vətəndaşa istehlak məqsədi ilə 5% dərəcəsi ilə 2,5 mln manat məbləğində kredit verib. Özü də bu məbləği bank Elman Rüstəmovun vaxtında Mərkəzi Bankdan götürüb..." "Dia.az" xəbər verir ki, bunu öz açıqlamasında tanınmış hüquqşünas Əkrəm Həsənov qeyd edib.
"Düzdür, burada dələduzluq da olub: heç nədən xəbəri olmayan başqa şəxsin əmlakı girov qoyulub..." deyə vurğulayan ekspert daha sonra əlavə edib:
"Amma əsas odur ki, sən demə Azərbaycanda gəlirsiz vətəndaşa heç bir konkret məqsəd olmadan kredit verən bank varmış.
Odur ki, əziz həmvətənlər, pul lazım olanda, üz tutun bu banka: arayışsız-filasınz aşağı faizlə milyonlarla pul götürə bilərsiz və Mərkəzi Bank da burada heç bir problem görməyəcək.
Ümid edək ki, yeni ildə də “Premium Bank” müştərilərini belə kreditlərlə sevindirəcək..."(Dia.az")
