Azərbaycan ictimaiyyəti arasında “Emil Daymond” kimi tanınan Emil Məmmədov əslində kimdir?

Son parlament seçkilərinə qatılan 15 saylı Yasamal Birinci Seçki Dairəsindən deputatlığa keçmiş namizəd Emil Vaqif oğlu Məmmədov haqqında ictimaiyyət üçün maraq doğuracaq məqamlara aydınlıq gətirəcəyik.

Özünü yüksək çinli məmur kimi qələmə verərək, rəsmi olaraq “Azərbaycan Avtomobil Yolları Dövlət Agentliyi” ASC-də yüksək vəzifədə çalışan dövlət qulluqçusu, ölkə rəhbərliyinə şəxsi biznesi tərəfdən yaxın hesab edən Emil Məmmədov əslində kimdir?

Əmək fəaliyyətini ölkənin rus dilli mediasında jurnalistika fəaliyyəti ilə başlamış E.Məmmədov qısa müddət ərzində fəaliyyət sahəsini sürətlə dəyişə bilib.

Özünü Dövlət Mühafizəsi Obyektlərinin və mühafizə olunan obyektlərin təhlükəsizliyinin təmin edilməsi sahəsində əks-kəşfiyyat fəaliyyətinin subyekti olaraq əməliyyat-axtarış fəaliyyətini həyata keçirən, Prezident rabitəsini və Xüsusi rabitəni təşkil edən Xüsusi Dövlət Mühafizə Xidmətinin rəsmisi olaraq təqdim edən Emil Məmmədov niyə dövlətin bu qrumunun adından sui-istifadə edir?

Bu şəxs unudur ki, 16 mart 2020-ci ildə prezidentin sərəncamına əsasən Xüsusi Dövlət Mühafizə Xidməti ləğv edilərək, əvəzində isə Azərbaycan Respublikası Prezidentinin Təhlükəsizlik Xidməti, Xüsusi Rabitə və İnformasiya Təhlükəsizliyi Dövlət Xidməti və Strateji Obyektlərin Mühafizəsi Dövlət Agentliyi yaradılıb.

Bəs görəsən E.Məmmədov niyə hələ də bu dövlət orqanının köhnə, ləğv edilmiş adından və köhnə loqosundan istifadə edir? Bu nostolgiyaya səbəb nədir?

Emil Məmmədov 2024-cü ilin parlament seçkilərində komandasına qarşı hansı hərəkətləri edərək onları narazı salıb? Özünün də qeyd etdiyi kimi brilyant biznesindən tutmuş bəzi dövlət məmurlarının ailələrinə Dubaydan və digər ölkələrdən orijinal adıyla “A klass” hesab edilən hansı zinyət əşyalarını gətirirmiş? Onu mediadan, brilyant ticarətinə, Azərbaycan Avtomobil Yolları Dövlət Agentliyinə, Agentliyin sədri Saleh Məmmədova, özünün də qeyd etdiyi “Xüsusi Dövlət Mühafizə Xidməti”-nə bağlayan kimlər və nədir?

“Emil Daymond” kimi tanınan Emil Məmmədov bəs əslndə kimdir? Media nümayəndəsi, brilyant alverçisi, yoxsa dövlət məmuru? Yoxsa millət vəkilliyinə yuxarılardan “xeyir dua” alınan uğursuz namizədmi?

Bəlkə də özünün də qeyd etdiyi kimi 10 şirkətin birləşdiyi və investisiya həcmi yüz milyardlarla ölçüləcək böyük bir holdinqin rəsmisi? Hansı ki, COP-29 tədbirində özünün təmsil etdiyi alternativ enerji sektorunda fəaliyyət göstərəcək “Etka Holdinq”in ölkə nümayəndəsi? “Etka Holdinq” hansı məmura bağlıdır, Türkiyənin alternativ enerji istehsalçısı olan Etkaco Holdinq ilə Emil Məmmədovu bu şirkətə kimlər və nə bağlayır?

Bütün bu məsələlərə yaxın günlərdə aydınlıq gətirəcəyik.(nocomment.az)

Bizi izləməkdə davam edin.