Yasamalda fəaliyyət göstərən “Yaban Pub & Restaurant”da qanun pozuntuları iddiası
Yasamal rayonu, Mikayıl Müşfiq küçəsi 37 ünvanında yerləşən “Yaban Pub & Restaurant” fəaliyyətində bir sıra qanun pozuntularına yol verir.
Xüsusi.Tv-yə daxil olan məlumatda qeyd olunur ki, müəssisədə çalışan işçilərin əmək müqaviləsi olmadan, qeyri-rəsmi şəkildə işlə təmin edildiyi bildirilir. Bu isə əmək qanunvericiliyinə ziddir və işçilərin sosial müdafiəsiz qalmasına səbəb olur.
Bundan əlavə, məkanın kassasında POS-terminal mövcud olsa da, ödənişlərdə əsas üstünlük kartdan-karta köçürməyə verilir. Bu hal, vergi öhdəliklərindən yayınma və şəffaf maliyyə dövriyyəsinin gizlədilməsi ehtimalını artırır.
Qanunvericiliyə əsasən, ictimai iaşə obyektlərində bütün maliyyə əməliyyatlarının rəsmi şəkildə aparılması, ödənişlərin POS-terminal və ya kassa çeki vasitəsilə rəsmiləşdirilməsi tələb olunur. Əmək müqavilələrinin bağlanmaması və ödənişlərin qeyri-rəsmi şəkildə aparılması isə həm vergi, həm də əmək qanunvericiliyinin pozulması deməkdir.
Məsələ ilə bağlı Qida Təhlükəsizliyi Agentliyi və Vergilər Nazirliyi dərhal tədbir görməli, obyektdə yoxlama və araşdırmalar aparmalıdır.(Xüsusi.TV)
