Rayonlarda fərdi təsərrüfatlarda süni mayalanma xidmətinin göstərilməsi üçün 50 manat kimlər alır?
Rayonlarda fərdi təsərrüfatlarda Dövlət Aqrar İnkişaf Mərkəzlərinin tabeliyində olan Baytarlıq Xidmətinin əməkdaşları tərəfindən süni mayalanma xidmətinin göstərilməsi üçün heyvan sahiblərindən 50 manat vəsait alınması ilə bağlı ciddi narazılıqlar var.
Süni mayalanma tədbirlərinin həyata keçirilməsi üçün dövlət büdcəsindən vəsait ayrıldığı halda fermerlərin əlavə ödəniş etməyə məcbur qalması qəbuledilməzdir. Dövlət dəstəyi fermerin yükünü azaltmalı olduğu halda, bəzi yerlərdə vəziyyət tam əksinədir.
Kəndlinin və fermerin hesabına əlavə gəlir əldə edilməsi cəhdləri aqrar sahədə aparılan dövlət siyasətinə və ayrılan büdcə vəsaitlərinin məqsədinə ziddir. Bu cür halların qarşısı alınmalı, məsul şəxslərin fəaliyyəti ciddi nəzarətdə saxlanılmalıdır.
Razi Abasbəyli
TEREF
