Bu ölkədə məktəblərdə biometrik giriş sistemi tətbiq olunacaq
Rusiyanın hökumət dairələri yaxın vaxtlarda Dövlət Dumasına məktəblərdə biometrik giriş sisteminin tətbiqi ilə bağlı yeni qanun layihəsinin təqdim olunacağını açıqlayıblar.
MİNA tv.az xəbər verir ki, layihəyə əsasən, məktəblərdə keçid kartları və buraxılış sistemləri əvəzinə biometrik identifikasiya tətbiq olunacaq.
Rəsmilər bildiriblər ki, biometrik sistem ənənəvi kartlara alternativ olacaq və əsas üstünlüyü ondan ibarətdir ki, biometrik məlumatlar “itirilə” və ya üçüncü şəxsə ötürülə bilməz.
Bu yenilik məktəblərdə təhlükəsizliyi artırmaq və şagirdlərin dərsə davamiyyətinə nəzarəti sadələşdirmək məqsədi daşıyır.
Hazırda sistem Tatarıstanda sınaqdan keçirilir və hökumət təcrübənin uğurlu nəticə verdiyini bildirir.(musavat)
