Ağalar Vəliyevin tikdikləri BİR-BİR SÖKÜLÜR... - GİLEY
Bakı şəhəri, Qaradağ rayonu, Lökbatan qəsəbəsi ərazisində yerləşən "Qobu Park-2" yaşayış kompleksində binaların altına dolan qrunt sularının qarşısını almaq üçün istifadə edilən beton növbəti dəfə avtomobil yolunu sıradan çıxarıb.
Oxu.Az-a danışan sakinlərin sözlərinə görə, bir müddət əvvəl qrunt sularının təsirindən əyilən binaların stabilliyini bərpa etmək üçün onların altına xüsusi beton vurulub.
Beton çatları doldurmaq və konstruksiyaları sabitləşdirmək üçün istifadə edilsə də, zamanla normadan artıq şişərək yaşayış kompleksinin yaxınlığındakı avtomobil yolunun səthini deformasiyaya uğradıb. Nəticədə isə yol sıradan çıxıb. Yolların isə sıradan çıxması sakinlərə çətinlik yaradıb və onların avtomobillərinə ciddi maddi ziyan vurub.
Məsələ ilə bağlı aidiyyəti qurumlara informasiya sorğusu ünvanlanıb.
"DİA-AZ" xatırladır ki, sözügedən yaşayış massivi deputat Ağalar Vəliyevə məxsus olan "Kristal" MTK (əvvəlki adı "Kristal Abşeron") tərəfindən inşa olunub. Və bu fakt ilk deyil ki, deputatın tikdiyi həmin yaşayış massivindəki narazılıqlardan xəbər versin. Hətta bu massivdəki binaların istifadəyə verildikdən sonra əyildiyini də gördük. Amma nə olsun? Yenə də Ağalar müəllimin şirkəti evlər tikir... Allah betərindən qorusun...
Oxu.Az
