Bakı şəhəri, Xəzər rayonu, Qala qəsəbəsi, 843 saylı hərbi hissədə qeydiyyatda olan, Nizami rayonun Q.Qarayev prospekti, 117, mən., 83-də faktiki yaşayan Bəşirov Elxan Bəşir oğlu tərəfindən Azərbaycan Respublikasının Prezidenti İlham Əliyevə, Baş nazir Əli Əsədova, Baş prokuror Kamran Əliyevə, Daxili İşlər naziri Vilayət Eyvazova, Ombudsman Aparatının sədri Səbinə Əliyevaya, Kiçik və Orta Biznesin İnkişafı Agentliyinin sədri Orxan Məmmədova və digər aidiyyəti dövlət qurumlarının rəhbərlərinə ictimailəşdirilməsi məqsədi ilə “İnşaat Konstruksiyalar” MMC-nin direktoru Rauf Əhmədov və dəstəsinin 10.02. 2018-ci il tarixli MÜQAVİLƏYƏ əsasən ona verilən mənzilin digər bir neçə şəxslərə satdıqdan sonra 21 iyun 2021-ci il tarixli 085002 saylı yeni müqavilə əsasında digər ünvandakı mənzilin də pulunu tam ödəməyinə baxmayaraq həmin mənzili də dələduzluq edərək başqasına satması cinayəti barədə şikayət məktubu ünvanlanıb.

Bir surəti də Aktualinfo.org-a daxil olan şikayət məktubunda deyilir:

Çoxhörmətli cənab Prezident! Son 7 il ərzində “İnşaat Konstruksiyalar” MMC-nin başımıza gətidyi qanunsuz hərəkətlərdən bezərək son ümid yeri kimi Sizə müraciət edirik.

Mən, Bəşirov Elxan Bəşir oğlu 1-ci Qarabağ Müharibəsində 4 il iştirak etmiş, yaralanmış və sağalmışam Müharibə iştirakçısıyam və hazırda ehtiyata buraxılan zabitəm. Müharibə dövüründə sağlamlığımı müəyyən qədər itirdiyimə görə vaxtaşırı dərmanlara ehtiyac olur. Hazırda işsizəm. İki övladımız da bizim himayəmizdədir. Ailəmizin iqtisadi çətinliyini aradan qaldırmaq üçün həmişə istəmişik ki, biz də bir Azərbaycan vətəndşı olaraq ailəmizi birtəhər dolandıraq. Budur, mən də Azərbaycan vətəndaşı olaraq qonum-qonşudan borc alıb mənzil problemimin həll edilməsi üçün 2018-ci ilin 10 fevralında əvvəlində üz tutdum “İnşaat Konstruksiyalar” MMC-nin baş direktoru Rauf Əhmədovun ofisinə.

İlk öncə 10 fevral 2018-ci il tarixində bağladığımız müqaviləyə görə MMC-nin direktoru olan Rauf Əhmədovla 3 otaqlı mənzil üçün tələb olunan ilkin ödənişi 5000 manat məbləği verib mənzil almaq üçün müqavilə bağlamışam. Budur, bu az vaxtda öyrəndim ki, mənə müqavilə əsasında verilən, Yəni Nizami rayonu, M.Abbasov küçəsi, məhəllə 25 38 ünvanda, 16-cı mərtəbə, ümumi sahəsi 133.74 olan,71 N-li mənzil digər şəxsə satılıb.

Maraqlı burasıdır ki, “İnşaat Konstruksiyalar” MMC-nin direktoru R.Əhmədov 2021-ci ildə məni dəvət etmiş və müxtəlif bəhanələr uyduraraq mənzilin digər yerdə şəhərin mərkəzinə yaxın olan yerdə verəcəyini vəd edərək müqaviləni təzələməyi təklif etmişdir.

Mən ödədiyim pulların batmaması üçün Raufla məcbur olub razılaşdım və köhnə müqaviləni 085002 saylı, 21 iyun 2021-ci il tarixli yeni müqavilə ilə əvəz etdik. Dedilər narahat olma, hər şey hazır olan kimi xəbər edəcəyik. Gəlib mənzilinizi təhvil alarsınız. Razılaşdıq. Baş direktor mənə bu dəfə Xətai rayonun Nobel prospekti 13, F.Bayramov, A Cəlilov, A.İsmayılov küçələrinin kəsişməsində inşa etdiyi binanın 20-ci mərtəbəsində, ümumi sahəsi 121 kv.m olan, 2 otaqlı, 85 saylı mənzilin dəyərini elə 21 06.2021-ci il tarixdə yeni müqavilə şərtlərinə uyğun olaraq tam ödədiyim ( cəmi 266 860 manatı) halda aradan 4 il keçməsinə baxmayaraq yenə məni süründürməçiliyə salaraq mənzilimi bəhanələrlə təqdim etmək istəmir. Hər dəfə bir yalan uydurmaqla peşəkar dələduz kimi məni gözləməyə vadar edir. Budur, son günlər isə heç telefonuma belə cavab vermir, Yayınır.

Artıq məndə şübhələr yaranıb ki, bu adam mənə verilməsi nəzərdə tutulan mənzili digər şəxslərə satıb. Belə olmasaydı 4 il əvvəl 100 % nağd pulunu ödədiyim mənzil niyə mənə verilmir?

Doğrudur, mən aidiyyatı üzrə 1 il əvvəl hüquq –mühafizə orqanlarına mənə qarşı Rauf Əhmədovun törətdiyi dələduzluq cinayəti barədə rəsmi müraciət etmişdim. Əvvəlcə yaxşıca araşdırmağa başladılar Sonda nə oldusa sanki lazımsız bir işə çevrildi. Heç rəsmi cavab da vermədilər. O da mənə sonradan məlum oldu ki, R.Əhmədov mənim kimi 274 vətəndaşa qarşı da mənzil fırıldağı edərək onların pullarını əvvəlcədən almış və mənzillərini verməmişdir.

Xatırladım ki, Azərbaycanda şəhid ailələrindən və qazilərdən sonar ən çox haqqı olan bizim ailədir. Buna qəsdən maneçilik törədənlər isə sadəcə utanmalıdırlar. Mən bir zabit olaraq 4 il iştirak etdiyim 1-ci Qarabağ Müharibəsinin ən qızğın vaxtında sağlamlığını ona görə itirməmişəm ki, bu gün bizim etimadımızdan süi-istifadə edərək qohum – əqrəbalalardan mənzil əldə etmək üçün topladığımız pulları Rauf Əhmədov və onun arxasında dayanan oliqarx murdar ünsürlər mənimsəyib özlərinin haramzada ailələrini dolandırsınlar. Mən ondan ötəri müharibədə qanımı axıtmamışam ki, Rauf və onu gizli himayə edən hüquq-mühafizə orqanları bu cinayətkarı cəzalandırmamaq üçün onu qorusunlar. Yeri gələrsə mən bu dələduz dəstəni hansı oliqarxın qanadları altında gizlənməsindən asılı olmayaraq erməniləri cəzalandırdığım kimi cəzalandıra bilərəm.

Azərbaycan Respublikasının çox hörmətli Prezidenti İlham Əliyev və Baş Prokuroru cənab Kamran Əliyev!

“İnşaat Konstruksiyalar” MMC-nin baş direktoru Rauf Əhmədovun qanunsuz əməlləri nəticəsində mənə külli miqdarda ( 266 860 manat) maddi zərər dəymişdir

Baxmayaraq ki, R.Əhmədov 2 otaqdan ibarət pay kimi 266 860 manat əvəzində mənə verməyi öz öhdəsinə götürmüş, lakin təqdim olunmuş maliyyə arayışına əsasən pulunu alsa da öhdəliklərini icra etməmişdir. Məndə olan həmin mənzilə aid müqavilənin və arayışın surətlərini təqdim edirəm. Beləliklə, Rauf Əhmədov vəzifə səlahiyyətlərindən sui-istifadə edərək vəzifə saxtakarlığına yol vermiş və mənə məxsus mənzili dəyərindən çox bahasına, yəni təqdim edilmiş maliyyə arayışına əsasən 266860 manatdan çox olmaqla tanımadığım digər şəxsə qanunsuz olaraq satmışdır.

Budur, artıq 4 ildən çoxdur ki, Azərbaycan Respublikası Cinayət Məcəlləsinin 178.2.3, 178.2.4, 178.3.2., 308.1, 313 və 314-2.1-ci maddələri ilə istintaqı aparılmalı olan Rauf Əhmədov mənə və digərlərinə qarşı törətdiyi cinayət işinə görə məsuliyyətə cəlb olunmamışdır.

Hörmətli cənab Baş Prokuror! Etibarımdan sui-istifadə edərək məni aldadan şəxs “İnşaat Konstruksiyalar” MMC-nin hazırki baş direktoru Rauf Əhmədovdur. Mən həmin şəxsdən və onun dəstəsindən şikayətçiyəm və onların CM-nin 178.3.2, 308.1 və 313-cü maddələri ilə cinayət məsuliyyətinə cəlb edilməsini, həmçinin mənə vurulmuş maddi zərərin tam olaraq qaytarılmasını tələb edirəm. Yuxarıda qeyd edilənlərə əsasən Sizdən xahiş edirəm ki, mənim şikayətim üzrə materialları işin ədalətli aparılması və cinayət işinin başlanması üçün ( Bakı şəhər Prokurorluğuna və ya Xətai rayon Prokurorluğuna ) göndərəsiniz.

Cənab Prezident İlham Əliyev!

Xahiş edirəm, “İnşaat Konstruksiyalar” MMC-nin dələduz dəstəsinin tezliklə ifşa edilərək məsuliyyətə cəlb edilməsi və Şəxsi nəzarətiniz altrında tədbir görülməsi üçün aidiyyəti üzrə göstəriş verəsiniz. Əvvəlcədən təşəkkürlər.

XÜSUSİ QEYD: Qeyd edək ki, “İnşaat Konstruksiyaları” MMC-nin qanuni təmsilçisi, Rauf Əliyevin yaxın qohumu Əhmədov Rəsul Süleyman oğludur. “Dərəçiçək” MTK da Rauf Əliyevə məxsusdur. Rəsul Əhmədov KİV-də keçmiş baş prokuror Zakir Qaralovun yaxın adamı kimi təqdim edilir və iddia heç vaxt təkzib edilməyib.

Aktualinfo.org