Xəyyam Fərəcovun rəhbəri olduğu 248 saylı məktəbdə nə qədər pul yığılır?-Video
“Qızlar 30 manatdan yığaq müəllimlərə verək, 3-5 manatda verək gül alaq”
Son günlər 5 oktyabr Müəllimlər Günü münasibətilə məktəblərdə şagirdlərdən pul yığılması ilə bağlı mətbuatda və sosial şəbəkələrdə çoxlu sayda məlumatlar yayılmaqdadır. Müəllimlər Günü münasibətilə pul yığılması halları ən çox Bakı məktəblərində baş verir.
Məktəbəqədər və Ümumi Təhsil üzrə Dövlət Agentliyi Beynəlxalq Müəllimlər Günü münasibətilə pul yığılmasını qadağan edib. Ancaq bu qadağaya baxmayaraq paytaxt məktəblərində valideyn komitələri tərəfindən Müəllimlər Günü münasibətilə pul yığılması davam edir.
AzFakt.com xəbər verir ki, sosial şəbəkələrdə yayılan daha bir səs yazısında paytaxtın Binəqədi rayonunda yerləşən 248 saylı tam orta məktəbində Müəllimlər Günü münasibətilə valideynlərdən 30 manat pul yığılması iddia edilir. Bildirilir ki, valideyn komitələri tərəfindən vatsap qruplarında Müəllimlər Günü münasibətilə pul yığılmasına başlanılıb.
Qeyd edək ki, 248 saylı məktəbin direktoru Xəyyam Fərəcovdur.(AzFakt.com)
