Binəqədidə daha bir mənzil obyektə çevrildi - İcazəni Elxan Allahverdiyev verib
Mənzilin obyektə çevrilməsi icazəsini Binəqədi rayon İcra Hakimiyyətinin başçısı Elxan Allahverdiyevin verdiyi bildirilir
Son illər paytaxt rayonlarında hündürmərtəbəli binaların birinci mərtəbəsinin obyektə çevrilməsi artıb.
Qanunverciliyə görə mənzilin obyektə çevrilməsi üçün Dövlət Əmlak Xidmətinin, Dövlət Şəhərsalma və Arxektura Komitəsinin və digər aidiyyatı qurumların rəsmi icazəsi olmalıdır. Ancaq çox vaxt sahibkarlar yerli icra hakimiyyətləri ilə “anlaşaraq” heç bir rəsmi sənəd olmadan mənzili rahat şəkildə obyektə çevirirlər.
AzFakt.com xəbər verir ki, Binəqədi rayon Biləcəri qəsəbəsi Rəşid ismaylov 8 ünvanında 5 mərtəbəli yaşayış binasının birinci mərtəbəsində yerləşən mənzil qanunsuz olaraq obyektə çevrilir.Məlumata görə mənzilin pəncərləri bağlanaraq, iki qapı açılıb və ərazidəki ağacların dibləri isə betonlanmaq üzrədi.
Mənzilin obyektə çevrilməsi icazəsini Binəqədi rayon İcra Hakimiyyətinin başçısı Elxan Allahverdiyevin verdiyi bildirilir. Belə ki, obyekt sahibi Elxan Allahverdiyevlə “anlaşdığını” və digər aidiyyatı qurumları Binəqədi icra hakimiyyətinin “həll edəcəyini” deyir.
Qeyd edək ki, Binəqədi rayonunda tikintilərə icra başçısının birnci müavini Hacıbaba Babayev nəzarət edir.
AzFakt.com
