"Cənab Rövşən Nəcəf və SOCAR kadr siyasətini reallaşdıran məsul şəxslər, apardığınız kadr siyasəti artıq öz "bəhrəsini" göstərməyə başlayır..." "Dia-az" xəbər verir ki, bunu özünün sosial şəbəkə hesabında tanınmış hüquq müdafiəçisi, Neftçilərin Hüquqlarının Müdafiəsi Təşkilatının (NHMT) sədri Mirvari Qəhrəmanlı qeyd edib.

O daha sonra bildirir: "Ötən ildən SOCAR idarə və müəssisələrində aparılan kütləvi ixtisarlar( əsasən aşağı kateqoriyalı işçilər), müxtəlif üsullarla (60+yaşlı işçilərə,neftayırma zavodunda 50+yaşlı qadınlara) işçilərə pisoxoloji təzyiq göstərib işdənçıxma ərizəsi yazdırmaqla və s. nəticəsində müxtəlif sahələrdə işçi çatışmamazlığına görə neftçilərə Əmək Müqaviləsində nəzərdə tutulmayan vəzifələri yerinə yetirməyə məcbur edilir. Bu da ölkənin Əmək Məcəlləsinə ziddir və buna görə işəgötürən ARƏM maddə 310- əsasən məsuliyyət daşıyır..."

Qeyd edək ki, bunun ardında NHMT sədri Azneft İB Bibiheybətneft NQÇİ-də çalışan işçilərdən birinin gileyini təqdim edir:

"İşçi çatışmamazlığından Baş mühəndis iki nəfəri gecə növbəsində işlədir, əlavə ödəniş etmirlər...

Mədənə çən gətirib qoydular, əmtəə operatoru lazım oldu. Söz verdilər ki, bir aya işçi götürəcəklər, amma götürmədilər. Və hasilat operatoruna aid olmayan işləri operatorların boynuna goydular ki , bu vəzifəni də yerinə yetirməlisən, yoxsa işdən azad olunacaqsan.
İşçi 12 saat iş rejimində işlədiyi üçün əmtəə operatoruna aid olan işi boynuna götürmədiyi üçün ona töhmət verdilər. İkinci dəfə yenə tələb etdilər, işçi yenə imtina etdiyi üçün onun haqqında cəza olaraq 8 saatlıq iş rejiminə keçirtmək istəyirlər.

Bu qədər özbaşınalıq olmaz. 5 fəhlənin işini bir nəfərə gördürürlər. Özü də ki, fərqli xahədən olan işlər!"(Dia-az)