Naxçıvan Muxtar Respublikasının Babək rayon Tarix-Diyarşünaslıq Muzeyinin fəaliyyəti və müəssisənin rəhbərliyi ilə bağlı ciddi narazılıqlar yaranıb.
Təxminən 300 illik tarixi dəyərə malik olduğu deyilən eksponat vaxtında qeydiyyata alınmayıb və sonradan başqa bir əməkdaş tərəfindən götürülərək yoxa çıxıb
Bu sətirlər Babək rayon Tarix-Diyarşünaslıq Muzeyinin direktoru Sərxan Abdullayevin fəaliyyəti ilə bağlı "Yenixeberorg.az"a daxil olan yazıda yer alır:
Redaksiyamıza daxil olan materiallardakı iddialar həm direktorun işə səhlənkar münasibətini, həm də muzeydəki tarixi eksponatların qorunması ilə bağlı qaranlıq məqamları əhatə edir.
1981-ci il dekabrın 18-də Ulu Öndər Heydər Əliyevin təşəbbüsü ilə yaradılan Babək Rayon Tarix-Diyarşünaslıq Muzeyinin fondunda rayonun tarixini əks etdirən 3500-dən çox eksponat qorunur. Lakin müəssisənin əsas vəzifəsi olan maddi-mədəni irsin qorunması və təbliği istiqamətində səslənən son iddialar rəsmi qurumların diqqətini çəkməlidir.
Muzey əməkdaşlarının bildirdiyinə görə, direktor Sərxan Abdullayev iş vaxtının böyük hissəsini müəssisədən kənarda keçirir. İddia olunur ki, S.Abdullayev Naxçıvan Respublika Xəstəxanasında bufet və çayxana fəaliyyəti ilə məşğuldur. Keçmiş səhiyyə naziri Samiq Sadıxovla yaxın dostluğu olduğu bildirilən direktorun məhz bu əlaqələrin sayəsində səhiyyə ocağında yeməkxana biznesini qurduğu və illərdir idarə etdiyi vurğulanır. Muzeyə isə əsasən rəsmi tədbirlər zamanı baş çəkdiyi qeyd olunur.
Bununla yanaşı, direktorun işlətdiyi obyektdə qanunsuzluqlara yol verdiyi, o cümlədən əmək müqaviləsi olmadan dörd nəfər işçi çalışdırdığı iddia edilir. Həmin işçilərdən ikisinin hərbi qulluqçu olduğu – birinin Fövqəladə Hallar Nazirliyinin, digərinin isə Dövlət Sərhəd Xidmətinin əməkdaşı Ədalət Həsənoĝlu olduğu bildirilir.
Daha ağır və ciddi iddia isə muzeyin tarixi eksponatlarının taleyi ilə bağlıdır. Muzeyin keçmiş əməkdaşı Leyla xanımın sözlərinə istinadən bildirilir ki, təxminən 300 illik tarixi dəyərə malik olduğu deyilən eksponat vaxtında qeydiyyata alınmayıb və sonradan başqa bir əməkdaş tərəfindən götürülərək yoxa çıxıb. Məsələ ilə bağlı muzey rəhbərliyinə və Naxçıvan Muxtar Respublikasının Mədəniyyət Nazirliyinə məlumat verilsə də, lazımi tədbir görülmədiyi iddia olunur.

Dŏvlət vergi xidmətinin əməkdașları tərəfindən qanunsuz formada fəaliyyət gosterdiyi, vöeni olmadigi uzə cıxan Abdullayevin işlətdiyi bufeti baglanib. Sərxan Abdullayev vöen olmadan muqavilə əsasında bufeti islətməyə davam etmek isdədiyini, bu olmasa muqaviləsi bitənədək xəstəxana bufetinin baglı qalacagini bildirib.Ya mən, ya hec kim prinsipi ilə yasayan Abdullayevə gorə xəstə və xəstə yaxınları olmazın zulmlər cəkir, xəstəxanada bufet oldugu halda Abdullayevin qanunsuz əməllərinə gorə baglı qalan bufetdə nə cay icə bilir, nə yemək yeyə bilir nə də xəstə yaxınlarına nə isə ala bilirlər.Məcburən xəstəxanadan kilometrlərlə uzaqlıqda olan market ve bufetlərə getməli olurlar. Muzey direktoru isə oz isini atıb, Səhiyyə Nazirliyi ilə mubarizə aparır. Mədəniyyət Nazirliyinə aparat rəhbərliyinə mətbuat xidmətinə bu barədə dəfələrlə deyilsədə məsələyə baxan belə olmayib

Xalqın tarixi yaddaşını qoruyan dövlət muzeyində baş verən bu cür xoşagəlməz hallar və eksponatların aqibəti ilə bağlı aidiyyəti qurumların dərhal xidməti araşdırma aparması tələb olunur.
Məlumat üçün bildirək ki, Sərxan Abdullayev Naxçıvan MR-nin keçmiş səhiyyə naziri Samiq Sadıxovun yaxın dostudur.
Redaksiyadan: Yazıda adları hallanan tərəflərin mövqeyini dərc etməyə hazırıq.

Yenixeberorg.az