I Qarabağ Savaşında 1993-cü ilin müdhiş 15 avqust gecəsində erməni-rus birliklərinin, Cəbrayılın qala qapısı sayılan Daşbaşı postuna qəfil hücumu nəticəsində baş vermiş döyüşdə 23 gənc əsgərimizin, yalnız vəhşi haylara məxsus xüsusi amansızlıqla qətl edilməsindən 29 il ötür. Gündüz döyüşlərində post geri alınsa da, bu hadisə cəmi bir həftə sonra Cəbrayıl rayonunun işğalı ilə nəticələnmişdi. Həmin qanlı döyüşlərdən öncəki olaylar, eləcə də gecə və gündüz döyüşləri bəndənizin müəllifliyi və tərtibatı ilə 2008-ci ildə çapdan çıxmış "ŞƏHİDLƏR" jurnalında və 2010-cu ildə çapdan çıxmış "ÖLÜM DAĞI - DAŞBAŞI" sənədli romanının I hissəsində öz əksini tapmışdır. Məlumatsız oxuculara faydalı olacağını nəzərə alaraq, sözügedən jurnal və kitabdan epizodları da təqdim edirəm...
Nur içində rahat uyuyun, əziz Şəhidlərimiz! Uğrunda qurban getdiyiniz Vətən torpaqlarını müzəffər Azərbaycan Ordusu 2020-ci ildə düşmən işğalından azad edib...
Allah sizə qəni-qəni rəhmət, amansız və qaniçən cəlladlarınıza isə min-min lənət eləsin! Amin!