Azərbaycanda yarım milyon manatlıq şirkət bağlandı
"Gəncə Toxunulmamış Parça" Açıq Səhmdar Cəmiyyətinin növbədənkənar yığıncağı keçirilib.
İqtisadiyyat.az xəbər verir ki, yığıncaqda şirkətin ləğv olunması ilə bağlı qərar qəbul olunub.
ASC-nin ləğvi ilə əlaqədar ləğvetmə komissiyası yaradılıb.
Qeyd edək ki, "Gəncə Toxunulmamış Parça" ASC 1998-ci ildə dövlət qeydiyyatına alınıb. Şirkətin nizamnamə kapitalı 513 966 manatdır. Şirkətin rəhbəri Mehrac Əliyevdir.
Xatırladaq ki, M.Əliyev bir müddət əvvəl ASC-nin ləğvi ilə əlaqədar olaraq səhmdarların növbədənkənar iclasını çağırmışdı.
